Nytt poeng til herrelaget Bergsøy sitt herrelag fekk eit poeng i kampen mot Hovdebygda som vart spela i Ørsta søndag. Sluttresultatet vart 22–22, etter at stillinga ved pause var 16–12 til Hovdebygda. Det var Bergsøy som tok leiinga i første del av kampen, inntil Hovdebygda køyrde hardt på og gjekk forbi. Etter pause kjempa Bergsøy godt, og midt i omgangen tok dei igjen Hovdebygda, men klarte ikkje å gå forbi. Bergsøy er allikevel godt fornøgd med eitt poeng mot Hovdebygda, som har ein solid plass på tabellen. Bergsøy jobba no etter kvart bra i forsvar, sjølv om det enno ikkje er tett nok. I angrep er det noko stilleståande og med visse tekniske manglar. Målscorarar: Nils Djupvik 8, Rolf Harsvik 6, Per Frøystad 4, Ove Vinges 3 og Emil Leinbø 1.