Arild Kvalsund

---

---

---

---

---

---

Kampreferat

Bergsøy var nære på å ta sin andre siger på tre dagar då laget i søndagens vanskelige bortekamp mot Harøy leie 1-0 då klokka tikka mot 90.minutt. Men dommaren la til 2-3 minutt og i kampens siste angrep utlikna Harøy på ei scoring som burde blitt annulert for angrep på keeper. Etter en cornersituasjon blei både Bergsøy-keeper Ronny reite og ballen nærast måka inn i mål av aggresive Harøy-angriparar. Men trass i sterke protestar frå Bergsøy vart scoringa godkjent, og Harøy stal to poeng frå herøyværingane.

Trass i den sure avsluttninga var dette nok en svært godt gjennomført kamp av BIL, der laget fylgte opp dei gode taktene frå kampen mot Hovdebygda. Harøy låg før denne kampen på en 2.plass på tabellen, og er en vrien motstander på heimebane. Men det har den seinare tid kome ein heilt anna tæl og aggresitivitet i Bergsøy-laget, og med tilsvarande "fighting-spirit" skal det bli intressant å fylgje laget vidare. Allereie torsdag skal Bergsøy ut i ein vanskelig bortekamp, mot overraskningslaget Hundeidvik som også kjempar i teten. Men med den samme spelegleda og innsatsviljen så bør nye poeng være innanfor rekkevidde.

Både Harøy og Bergsøy gjekk knallhardt ut i søndagens kamp. Heimelaget satsa på lange ballar fram til sin raske og tekniske gode midtspiss, og ved to-tre høve var dei nære på å ta leiinga. Men våkent keeperspel av Ronny Reite hindra scoring. Etter kvart kom Bergsøy meir og meir med i kampen og skapte fleire sjansar. Jarl Åge Wågsholm misbrukte to overlegg frå sida, og Lars Ove Almestad hadde to skot som gjekk over. Leif Inge Jøsok hadde omgangens klaraste sjanse, då han kom aleine med keeper, men traff ureint på ballen.

Også i 2.omgang var det tett og jamnt, med sjansar til begge lag. Men uttelling blei det ikkje før et kvarter før slutt. Lasse Myrhol fossa til dølinja, og det presise inlegget headda Arild Kvalsund hardt og kontant i nota frå bakerste stolpe. Like etter var samme Arild nær ved å punktere kampen da han brått fekk ballen i ypperlig posisjon 6-7 meter frå mål. Istaden for å styre ballen i det opne målet brukte Arild kraft, og ballen slo i tverleggaren før den gjekk ned på streken og deretter måka bort av en forsvarar. Her burde kampen vore avgjort. Etter dette sette heimelaget inn en voldsom sluttspurt, og to minutt på overtid kom så utligninga som aldri burde blitt godkjent.

Bergsøy ser no ut til å ha fått skikk på forsvaret. Vegard Fiksdal har funne storforma som bakerste mann. Han sprudlar no av sjølvtillit, og hadde mellom anna eit imponerande dribleraid frå eigen 16-meter og over heile bana, men misslukkast i det siste avgjerande trekket. Også Stian Skogen var som vanlig solid som stoppar. Lasse Myrhol viste framgong i sin venstreback posisjon, medan Rune Frantsen ikkje var heilt i slag denne gongen. Bergsøy sin midtbanetrio Lars Ove Almestad, Geir Sandnes, og Tobben Leikanger kjempa hardt gjennom heile kampen, og særlig Tobben heva seg etter en heller svak kamp mot Hovdebygda. Flankespelarane kom ikkje til på samme måte som mot Hovdebygda sist, men Arild Kvalsund skal ha honnør for nok ei viktig scoring - og ser ut til å utvikle seg til lagets nye storscorar.

Laget; Ronny Reite , Rune Frantsen , Stian Skogen , Vegard Fiksdal , Lasse Myrhol , Jarl Åge Wågsholm , Tobben Leikanger , Geir Sandnes , Lars Ove Almestad , Arild Kvalsund , Leif Inge Jøsok .
Innbytte; Berge for Wågsholm, Frode for Jøsok.

Vedlegg til kampen

Utklipp