Historikk

Bergsøy hadde god kontroll i årets første heimekamp der 271 tilskodarar ønskte Volda2 velkomne til Fosnavåg for første gang i seriesamanheng. Enrique Crespo Søvik blei ikkje overraskande kåra til dagens beste Bergsøyspelar etter at han sto for alle tre måla idet Bergsøy vann 3-0.

- Det er alltid spennande med fyrste heimekamp for sesongen, sa trenar Frank Sverre Skorpen som likevel måtte innrømme at laget var favorittar tross for at rutinerte spelarar som Daniel Kvalsvik og Magnus Myklebust ikkje blei speleklare. Speleklar blei heldigvis Crespo Søvik som sto over den første seriekampen med ei hamstringskade. Berre fire heimetap har Bergsøy på tjuefire kampar mot Volda sidan 1962, og Bergsøy hadde tru på å halde ved like statistikken også mot Volda sitt andrelag.

Bergsøykeeper Pedro Moreno måtte etter få minutt strekke seg for å stoppe et farleg skot, men skulle få større problem med å halde varmen utover i kampen. Etter ein jamn start fekk Bergsøy roe ned skuldrane som følgje av at ein teknisk god Bendik Frøysa la ein corner der angriparen Enrique Søvik fekk utnytte sin styrke og spenst for å heade heimelaget i leiinga.

Ni minutt seinare var Crespo igjen på rett plass i feltet, og hadde ingen problem med å breiside ballen i mål til 2-0 med høgrefoten. Etter dette tok Bergsøy stadig meir kommando over banespelet, og dei få gangane Volda kom forbi Kjetil Paulsen og Junior Tombini på midtbana, så blei dei stoppa av Trym Rekkedal og Fredrik Muren i Bergsøyforsvaret. Nærmast fleire mål før pause var Trym Rekkedal då han heada ballen i tverrleggaren.

Det er litt som forventa. Vi styrer kampen og det er berre å fortsette å halde tempoet på ballen, kommenterte Bergsøy sin mestscorande midtbanespelar gjennom tidene, Daniel Kvalsvik, frå tribuna i pausa.

Det tok berre ni minutt ut i 2.omgang før Bergsøy punkterte kampen idet Nils Erik Engen fekk tildelt straffespark som gevinst for godt aggressivt press. Dermed kunne Enrique Crespo fullføre sitt hattrick med et godt plassert skot - hans åttande scoring på like mange kampar for klubben. Nils Erik Engen sitt høge press skapte både panikk for Volda og sjansar til Bergsøy, men heimelaget var ikkje effektive nok til å omsette sjansane til mål. Mot slutten av kampen var det debutantane Niklas Elveseter og Theodor Kessler Myking som fekk størst jubel då dei kom inn på bana.

Ein solid lagsiger, og deilig å vinne i første heimekamp, sa hattrickhelten Enrique Crespo etter kampen.

To av trenarane i A-teamet, Frank Sverre Skorpen og Ingrid Beate Smådal Hide, var meir passe fornøgde etter kampen;

Spelesmessig har vi meir å gå på, og vi slit litt med å bryte dei ned. Men ein fullt fortent siger som burde vore større.

Bergsøy sitt lag:

12 Pedro Luis Moreno Gonzalez
4 Trym Rekkedal
17 Markus Kjelsli Ihle
23 Fredrik Muren
25 Roald Andreas Knoph Runde
10 Kjetil Steinsvik Paulsen
14 Junior Alexander Roman Tombini
7 Enrique Crespo Søvik
8 Nils-Erik Engen
11 Glenn Are Nerland Elveseter
18 Bendik Frøysa
Innbytterar:

1 Daniel Pettersen Jøsok
2 Theodor Kessler Myking
3 Arsene Simbi
15 Daniel Christian Sandvik
21 Niklas Nerland Elveseter
24 Sander Mäkiperä Vike

Bilde frå kampen