Bergsøy – Volda B 15–29

Store tal er ikkje uvanleg når herrelaget til Bergsøy er i aksjon, og som oftast er diverre motstandarane sine siffer størst. Slik vart det også i siste kampen for sesongen, mot Volda B i Herøyhallen søndag. Bergsøylaget var imidlertid denne gongen noko redusert grunna 3 nøkkelspelarar i Nordsjøen.

Heimelaget sine mål vart innsett av Per Frøystad 5, Nils Djupvik 3, Johnny Ulvan 3, Emil Leinbø 2, Jens Morten Dahlstrøm 1 og Torstein Dahl 1.

Dermed vart fasiten 5 poeng etter den første sesongen i seriesamanheng. Trenaren Otto Myklebust trur no på bedre resultat neste år då en kan starte treningane i Herøyhallen. Dette har vore vanskelig i vesle gymnastikkhallen.