Om Historikk.com

INFORMASJON OM HEIMESIDA

Historikk.com prøver å finne, sortere, arkivere og ta vare på historien – og det hadde ikkje vore mulig utan hjelp av viktige bidragsytere som har historie å dele, som vi kan scanne og ta vare på. Vi ønsker å nemne nokre:

Johs Wike

Mannen med stor historisk kunnskap bak den gode boka «Idrett i havgapet» har sjølv erfaring med å samle Bergsøy-historie, og har vore ein god ressurs for Historikk.com. Johs har velvillig latt oss få ta vare på historisk materiale og latt oss scanne endel av det han har tatt vare på.

Johs «oversatte» også Den første møtebok, og står bak fleire av bøkene vi har samla i Scanning-arkivet, blant anna Fotballboka 1952/53–1968 og Nils Lied-boka, som har hjulpe oss i arbeidet med adelskalenderen og kampreferat.

$Mathias Pettersen$

Mathias Pettersen

For oss vil vårt Arkiv for store delar kunne kallast «Mathias-arkivet». Mathias hadde ei stor samling av Bergsøy-permar som vi scanna, og over 750 av desse dokumenta utgjer i dag ein stor del av vårt historiske arkiv frå perioden 1944–1970.

I samlinga til Mathias var også VHS-video av kampar frå den historiske 1981-sesongen, samt mykje anna som gir eit godt innblikk i Bergsøy-historiens tidlege epoke.

Ruth Vestnes Frøystad

Ruth gav oss tilgang til å scanne alle handball-spelarkorta som gjorde at vi kunne utarbeide ei Adelskalender samt målscorerliste for damelag i handball. Alle spelarkorta er tilgjengelig via desse listene.

Astrid Jensen

Astrid Jensen sin handballsamling gjorde blant anna at vi kunne lage ei oversikt over Handballens Dag. I tillegg har dei mange avisutklippa gitt oss større innblikk i kvar sesong, som du kan finne i menyen på handballsidene (sjå eksempel 2000/2001-sesongen damer). I samlinga til Astrid var også statistikk til herrespelarane sine spelte kampar.

Ruben Kvalsvik

Historikk.com hadde ikkje Friidrett på plass før vi fekk tak i Ruben Kvalsvik, og han har hjelpt oss å finne tak i materiale for å få på plass blant anna resultatlista og alle resultatlistene til Friidrett.

I tillegg fekk vi scanne over 100 friidretts-dokumenter som er tilgjengelig i vårt Arkiv, merka med grønn farge for Friidrett.

Fred Frantzen

Vi har fått scanna Fred si eiga samling av fotballbøker, som gir eit flott innblikk i mange år av fotballhistoria til Bergsøy. Fortsatt er det mykje av denne samlinga som vi ennå ikkje har fått skikkelig på plass på heimesida, så vi har fortsatt arbeid å gjere.

Heimesida si historie

Historie:

1. oktober 2002 laga eg (Steffen Helsem Kvalsund) min første heimeside: «Bergsøy Fotball heimeside». Eg hadde eit PC-blad, «Hvordan lage en hjemmeside», og kasta meg ut i det. Den første sida kunne maks være på 20 megabyte, og bilder eg måtte laste opp kunne dermed ikkje være av så god kvalitet. Mitt første digitale fotokamera var på 1 megapixel, og mitt neste kamera var på 3,2 megapixel.

Trykk her for bilde av den første heimesida (Bergsøy-versjon 1.0)
Heimesida slik den var i 2002: Bergsoy.com 1. oktober 2002.

Dette var før Facebook og dei fleste av dagens kjente sosiale medier, og eg ville lage ein stad der Bergsøysupporterar kunne samlast også på nett. Eg laga mine egne fotballbøker, og hadde desse ofte med meg på kampar så andre fekk sjå.

På denne tida fantest det ei adresse bergsoy.no, men det var lite å finne der anna enn ein Bergsøy-logo. Kvifor då ikkje skape noko nytt? I staden for å lage fotballbøker og drasse på desse, kunne eg lage ei nettside der alle kunne gå inn og sjå.

Utviklinga fortsatte i stor fart, då målet var å få sida til å bli så seriøs som mulig. Nye topper og menyer blei prøvd ut nesten daglig, og gjestane på sida var til god hjelp om kva som fungerte og kva som måtte dompast.

Maskoten til Bergsøy Fotball Heimeside:

Maskot

1. august 2003 ble adressa forandra frå den lange www.home.no/bergsoy/ til www.bergsoy.com.
Fotballen.no hadde årlege kåringar av dei 100 beste fotballsidene i Norge. Eg kunne stolt konstatere at sida eg hadde laga og oppdatert heilt sjølv, slo mange Eliteserieklubbar med store budsjett. Den beste plasseringa kom i 2005, då Bergsoy.com var Norges 8. beste fotballside.

Sportsweb AS har hatt god omtale av Bergsoy.com.
Vestlandsnytt hadde dette intervjuet med webmaster SHK i 2005.
Sunnmørsposten: «Bergsoy.com har historisk sus».
Årsrapport 2004: Trykk her.
Årsrapport 2005: Trykk her.

Utvikling fram mot 2009:

I 2008 starta eg å bygge hus på Hareid og blei pappa for første gang. Det vart ikkje like lett å drive ei oppdatert heimeside når eg ikkje lengre spelte på Bergsøy sjølv, eller budde i Herøy.

I eit års tid hadde eg forandra heimesida slik at det var brukarane sjølv (trenarar) som logga seg inn og oppdaterte sine eigne lags sider. Dette året vil eg seie var heimesida si mest avanserte periode, der mykje skjedde «automatisk». Eg følte at dette var rette tidspunktet å la bergsoy.com gå til klubben. Etter eit møte blei vi einige om at Bergsøy tok over nettsida bergsoy.com.

Historikk.com blei lansert i 2016.

Min interesse for historie var ikkje borte dei neste åra, og eg laga stort sett ei slektsbok til kvar jul i denne perioden. Når vi kom til 2016 tok eg eit nytt blikk på bergsoy.com, og fann ut at eg ville berge restane av det eg i mi tid hadde skapt.

Bergsøy IL hadde desse åra hatt forskjellige versjonar, men det gjekk på dagens nyheter. Ein stor del av min interesse var å ta vare på informasjon og statistikk (gårsdagens nyheter) som var på veg å gå tapt. Johs Wike hadde i mellomtida laga ei fantastisk bok om klubbens historie, men fortsatt mangla endel av dei tinga eg hadde starta å arbeide med. Klubben hadde tildømes aldri hatt ei målscorerliste, eller ein fungerande adelskalender.

Stor oppdatering juli 2021: Historikk.com i ny drakt.

Det var eit arbeid som pågikk i fleire månader, men som i juli 2021 var klart til å publiserast. No var Historikk.com oppdelt i 4 kategoriar: Historie, Fotball, Handball og Friidrett. Heimesida blei «responsive», som betyr at den blei tilpassa både mobil og nettbrett, og innhaldsmessig fekk heimesida på plass mykje nytt no som scanna handball og friidrett også blei publisert.

Les meir om denne oppdateringa

Spørsmål og svar

Hva er Historikk.com?

Ei heimeside som tek føre seg historie, og som no har kategoriane Bergsøy Fotball, Bergsøy Handball og Bergsøy Friidrett. Vi har som mål å kartlegge historia i desse kategoriane så langt det er mulig, for å oppnå statistikkar som målscorerlister, adelskalendere og øvrig historisk oversikt så godt det lar seg gjere.

Er det nødvendig?

Johs Wike si bok om «Idrett i havgapet» er ei fantastisk bok som tek føre seg Bergsøy si historie.

Ei bok vil alltid være begrensa av sine antal sider. Historikk.com har ikkje tilsvarande begrensingar, og kan være eit oppslagsverk på ein heilt annan måte. Tildømes tek boka føre seg hendingar i endel enkeltkampar, mens du på Historikk.com har komplett oversikt og kan lese kampreferat av alle A-lagets fotballkampar.

Boka tek heller ikkje føre seg statistikk, og dette er noko Historikk.com har arbeida mykje med for å få på plass. Målscorerlister, adelskalendere og øvrige oversikter som toppscorere, prisvinnarar osv. Samt at ei nettside sjølvsagt kan oppdaterast fortløpande, på ein måte ei bok ikkje kan.

Kva er målet til Historikk.com?

Å kartlegge og ta vare på historia vi finn, og gjere dette tilgjengelig for dei som ønsker å vite om den. Til dømes har vi scanna mange albumar og historiske Bergsøy-bøker som ligg tilgjengelig til nedlastning eller lesing på våre sider.

Dette er ein måte å ta vare på historia på, før slike bøker går tapt. Vi har også inkludert sider og bilder frå slike bøker, til dømes inn i fotballens kampreferat.

Om noko, kan Historikk.com fungere som eit arkiv for dei som gjerne vil lage nye Bergsøy-bøker. Om ein skal drive slektsgransking går ein på digitalarkivet.no, men om ein skal granske Bergsøy-historie kan ein gjerne søke litt på Historikk.com.