Storsiger for Bergsøy-damene

Etter å ha innleia serien med to uavgjort og eit tap slo Bergsøy-damene til med ein braksiger 9-1 mot HaNo/Lepsøy søndag.

Bergsøy stilte med fylgjande lag: Dagny Beate Vattøy, Hanne Ingebrigtsen, Runa Frantsen, Marthe Madsen, Kristina Ramstad, Trude Vattøy, Lovise Frøystadvåg, Andrea Sævik, Eirin Rabben, Ruth Flø Paulsen, Martine Slettestøl, Malin Vollen, Andrea Hansen og Maren Thorseth.

Kampen starta med ein kjempesjanse til Bergsøy, på skot frå Andrea etter pasning frå Lovise. 5 minutt seinare sende Andrea av eit nytt skot som gjekk i tverrliggjaren og ut. Etter 21 minutt sette Malin ballen i mål, men vart avblåst for offside. Då det var gått 35 minutt scora gjestane etter frispark der keeper gav retur og ein HaNo/Lepsøy spelar var våken frampå og kunne putte enkelt i mål.

Dei første 40 minutta var det ganske jamnt, der Bergsøy hadde god kontroll i forsvar, men sleit med å få tak på midtbana. Men så bestemte Lovise Frøystadvåg og Andrea Sævik seg for at no var det på tide å ta skikkeleg tak. Og på 5 minutt var kampen snudd og Bergsøy leia 4-1 til pause! 41 minutt 1-1 mål av Andrea Sævik etter innlegg frå Malin Vollen.

42 minutt 2-1 Andrea Sævik var kald aleine med keeper etter flott gjennomspel frå Ruth Flø Paulsen.

43 minutt 3-1 Andrea Sævik nok ein gong på eit langskot.

44 minutt 4-1 Malin Vollen, kjempeflott mål etter innlegg frå Ruth Flø Paulsen. 2.omgang starta med ein kjempesjanse for Trude Vattøy som sette ballen på utsida av stanga. 54. minutt 5-1 Trude Vattøy kunne sette ballen i mål etter godt innlegg av Malin. 59. minutt 6-1 Andrea Sævik igjen på langskot. 61. minutt 7-1 Malin Vollen var på plass etter innlegg frå Andrea Sævik. 78. minutt 8-1 Andrea Sævik. 90. minutt 9-1 Maren Thorseth på skot frå 16 meter.

Etter dei første 40 minutta hadde Bergsøy full kontroll på kampen og det kunne lett vorte fleire mål. HaNo/Lepsøy gav etter kvart opp, men Bergsøy roa ned. Det var også farumftig for på onsdag er det ny kamp. Då møter damene Volda2 borte.

Målscorarar: Andrea Sævik 5, Malin Vollen 2, Trude Vattøy 1 og Maren Thorseth 1. Fem-målsscorar Andrea Sævik vart kåra til dagens spelar, og vann dermed eit gåvekort sponsa av Evotec.