Anders Hoff stiller seg i rekka av spelarar frå Helsem-slekta som har representert Bergsøy, saman med Arve Helsem Leine, Arild Helsem Kvalsund og Steffen Helsem Kvalsund.

    Anders er ein defensiv spelartype. Han likar å spele som sweeper og styre midtbana frå ein djup posisjon, og har også ei frykta skotfot når han nærmar seg 25 meter frå mål.

    Eit av høgdepunkta tidleg i fotballkarrieren var eit hattrick som venstreback i Norway Cup som guttespelar. På juniornivå scora han også mot Volda frå 55 meter.

    Det finaste målet han sjølv har scora var mål nummer to i kampen der han laga hattrick i Norway Cup. Det var eit frispark som enda i krysset.

Tidleg trenar og dommar

    Anders blei tidleg trenar for juniorlaget til Bergsøy. I 2000 fekk han ein god start med laget i haustsesongen med to sigrar og ein uavgjort.

    Han har også fleire gonger vore fotballdommar, blant anna i romjulscupar.

    I 2003 steppa han inn som dommar då Bergsøy 2 spelte kamp. Han dømde andre omgang etter at dommar Rolf Langva frå Hessa fekk strekk.

A-laget

    Kven gløymer vel 6–1-målet mot Ålesund 2 på Bergsøy Stadion i 2003? Ei perle i krysset. Eit typisk mål frå Nerlandsøy-talentet.

    Anders har sagt at den beste medspelaren han hadde på A-laget var Karl Bjarte Vike.

    Mange kjenner han også som hattrickhelten mot Sandsøy då Bergsøy sitt lilleputtlag vann 12–0 i 1990.

    I den kampen scora Stian Kvalsvik fem mål, Anders Hoff tre, Erlend Eide Vike to, medan Karl Bjarte Vike og Sigbjørn Løseth scora eitt mål kvar.

    Anders var også med på å vinne Grascupen på Vigra i 1993.

    Han tok seinare over som trenar for juniorlaget til Bergsøy allereie i 2000.

    I 2003 vann han KRIK-cup som kaptein, sjølv om han tidleg i turneringa måtte på sjukehus med ein kneskade.

    Same året fekk han eit kanontreff for A-laget mot Ålesund 2 på Bergsøy Stadion. Ballen flaug i krysset til 6–1 frå rundt 20 meters avstand.

    Arbeidsgivaren Sindre Notø på Statoil lovde han lønnspålegg der og då etter stjernetreffet.

    I 2007 spelte Anders på midtbana for Bergsøy då laget spelte sin aller siste offisielle kamp i Huldalen, mot Stordal.

    Anders fekk æra av å bomme på det aller siste straffesparket som blei tatt i Huldalen, men Bergsøy klarte likevel å vinne kampen 2–1.

21 A-kampar

    Vi har registrert Anders Hoff med 21 kampar og 2 mål for Bergsøy sitt A-lag i perioden 1997–2007.

    Debuten kom heime mot Hødd 2 i september 1997. Lasse Myrhol og Stig Haugland ordna 1–1, og Anders kom inn som midtstoppar.

    Anders har i mange år vore både trenar og hjelpetrenar for A-laget og B-laget.

    Mest oppsikt i media skapte det kanskje då han i 2019 blei A-lagstrenar for ein av Bergsøy sine erkerivalar, Larsnes/Gursken.

Hovudtrenar for Bergsøy

    30. januar 2024 bekrefta Bergsøy at Anders Helsem Hoff var A-laget sin nye hovudtrenar.

   

    «Anders er ein knakandes kjekk kar. Sjarmerande type.»

    – Tenkt av Steffen Kvalsund ein mørk haustkveld i 2024

Statistikk

Bilder