Damelaget spelte igår sin siste kamp for året når Vanylven tok turen⚽️ Vi starta kampen i medvind, noke vi trudde skulle vere til vår fordel, men etter litt klabb og babb i forsvaret var det Vanylven som tok leiinga 0-1. Heldigvis scora Hedda sitt tolvte for sesongen rett før pause, noko som gjorde pausepraten mykje lettare.

Etter pause kom vi ut i 100, og motvinden gjorde ingenting. 8 minutt ut i andreomgong og stillinga var 3-1, etter scoringar frå Ida og Vilde. Hedda pynta på scoringsstatistikken til 4-1, før Thea fastsatte sluttresultatet til 5-1 med ei ordentlig frisparkperle. Flott laginnsats denne hausten frå denne gjengen, og imponerande av Hedda som avslutta sesongen med 9 mål og 3 assist på fire kampar!