Kampreferat 1994:

Festspel i andre omgang

Bergsøy- Hovdebygda 4-1 (1-1)


Arild Kvalsund 2, Leif Inge Jøsok, Kristian Berge


Sindre Eikrem, Langevåg

: Arild Kvalsund, Vegard Fiksdal


Vedlegg til kampen


Les pravda
Kampreferat

Søndag var det igjen triveleg å vere tilskodar på Bergsøy stadion. Etter mange trøysteslause kampar, slo heimelaget til med festspel, og sende Hovdebygda heim med 4-1 tap i kofferten. Etter ein tam og kjedelig første omgang då det sto 1-1, slo Bergsøy til med stor innsats og friske angrepstakter i 2.omgang, og utspelte til tider et meir og meir frustrert Hovdebygdalag. Bergsøy-spelarane viste ei heilt anna speleglede, agressivitet, og bevegelse enn kva som har vore vist på lange tider. Dei vann dei fleste duellane, slo drivande og effektive pasningar på kantane, og særlig Arild Kvalsund var i storslag og bukte Hovdebygda sine backar som rundingsbøyer. I tilegg til mange fine forseringar og innlegg scora Arild to mål, og fekk vist litt av det store potensialet som bur i han. Publikum storkosa seg, og sjølv dei største skeptikarane fekk igjen trua på laget og fekk ei gledelig stadfesting på at det bur meir i laget enn det som har vorte vist så langt i sesongen.

Etter denne overbevisande sigeren tok BIL eit langt steg bort frå nedrykksposisjonen. Avstandane er framleis små, og laget har en viss kontakt med laga i tetstriden. Dersom laget greier å stabilisere seg på dette nivået, bør ein ha kapasitet til å ta mange poeng i kampane frammover. Men problemet til Bergsøy har vore manglande stabilitet, og særlig på utebane har laget hatt store problem. Difor var det gledelig at laget fylgte opp med uavgjort 1-1 i den vanskelige kampen mot Harøy.


(Bildet; En sterk firkløver i kampen mot Hovdebygda. Vegard Fiksdal, Geir Sandnes og Rune Frantsen, med Arild Kvalsund i forkant.)


I kampen mot Hovdebygda gjekk laget offansivt til verks heilt frå avspark, og fekk en pangstart. Allereie etter 5 minutt kom Jarl Åge Wågsholm seg fri på kanten. Innlegget gjekk via ein HIL-forsvarar, og fekk en merkelig sskru som keeper feilberegna. Ballen nærmast fall ned på foten til Leif Inge Jøsok og trilla i nettet. Etter dette jamna kampen seg ut, og Hovdebygda kom lengre fram på bana, utan å skape dei heilt store sjansane. Etter en halvtimes spel var det imidlertid klart for utligning. Hovdebygda vann ein duell heilt ute med cornerflagget, og innlegget mista BIL-keeper Ronny Reite. HIL-spissen Alf Ose hadde ei enkel oppgave med å sette ballen i mål med hovudet. Også mot slutten av omgangen hadde Hovdebygda eit lite overtak, men omgangen ebba ut med 1-1.

Kva trenar Tor Meinseth hadde fortalt sine disiplar i pausen kjenner vi ikkje til, men det var ihvertfall eit "nytt" Bergsøylag som kom på bana etter sidebytte. Aggresivitet og innsatsvilje stod i høgsetet. Laget tok kommando fra start, og pressa Hovdebygda bakover på bana. BIL-spelarane vann alle duellar mann mot mann, hovedduellar, og andre ballar, og i staden for 3 meters puslespel på midtbanen slik laget har hatt en tendens til tidligare iår, satsa dei på drivande ballar på kantane. Dette opna HIL-forsvaret gong på gong. Særlig Arild Kvalsund på høgre flanke var i praktslag, og fossa til dølinja fleire gongar. I tillegg til innlegg fekk han demonstrert sin imponerande skuddfot. Etter 11 minutt av omgangen møtte Arild et presist innlegg frå Geir Sandnes, og frå bakerste stolpe sette han ballen beherska i mål. Berre ti minutt seinare var det klart for 3-1. Igjen kjempa Arild til seg en ball i feltet, og frå 15 meters hald sende han ballen inn ved nærmaste stolpe ved et kjappt skot. 4-1 kom så like etter ved dagens flottaste angrep. Arild slo en perfekt crossball på motsatt stolpe der Geir Sandnes møtte ballen perfekt på direkten og la ballen tilbake til Kristian Berge som small ballen i nettet. Den scoringa var det VM-klasse over! Laget fekk fortjent trampeklapp etter kampen.

Bestemannsprisen må delast mellom tomålscorer Arild Kvalsund og sweeper Vegard Fiksdal. Vegard rydda opp i stor stil, og var elles konstruktiv frammover. Elles er Rune Frantsen i ferd med å finne tilbake til fjorårstaktene på høgre back. Defansivt hadde han små problem, og i tillegg er han skapande offansivt. Også Geir Sandnes kom sterkt i 2.omgang, og med sine mange løp skapte han mange og store opningar til sine lagkamerater. Pluss også for to målgjivande pasningar.

Laget; Ronny Reite , Rune Frantsen , Vegard Fiksdal , Nils Roger Paulsen , Lasse Myrhol , Jarl Åge Wågsholm , Torbjørn Leikanger , Geir Sandnes , Lars Ove Almestad , Arild Kvalsund , Leif Inge Jøsok .
Innbytte; Kristian Berge for Jøsok, Stian Skogen for Leikanger.





1415 Kampreferat


















Kampreferat info

★
Kampreferat som inneholder bilder

☆
Godt kampreferat uten bilder

(Tom)
Lite info i kampreferat