Kampreferat 2006:

Rakna på Valdervoll

Valder - Bergsøy 4-1 (1-1)


Egzon Abazi

Fredag den 12.mai 2006
Valdervoll grasbane

: Gustav Pettersen. : 1 poeng: Gustav Pettersen. : Jørn Kvalsvik, Andre Lima.


Vedlegg til kampen


Fyrverkeri


Egzon jubel


Jørn sin debut
Kampreferat

-"Bergsøy best i første, oss var best i andre. Hadde Bergsøy fått mål på nokre av dei sjansane dei hadde i første omgang så hadde det nok blitt en anna kamp". (2-målsscårar Tom-Gøran Jønsson)

Pre-match omtale.

Valder sto med et bortepoeng etter 2-2 mot Volda, mens Bergsøy hadde tapt sine tre første kampar. Begge lag kan seiast å ha sterkt press på seg i jakta på poeng denne gangen, og det tapande laget ville ligge på botnen av tabellen etter kampslutt. Det var forventa at det skulle skje endel endringar til denne kampen, og det skulle også skje visse omrokkeringar av spelarane. Jonny Leikanger og Steffen Moltu bytta plass, og dermed fekk Moltu teste seg sentralt på midtbana mens Jonny fekk bryne seg på en uvant vingposisjon. I mål var det denne gangen Arve Kvalsvik som fekk tillit frå start, mens Gustav Pettersen starta ilag med Preben Hestad på topp.

Lovande 40 minutt.

Bergsøy presterte årsbeste dei første 40 minutta av denne kampen. Jonny Leikanger fekk teste skuddfoten ei to-tre gongar, mens Gustav Pettersen fekk nokre fine sjansar i bakrommet. Det blei spelt både korte langs bakken og fornuftige lange i bakrommet, og i motsetning til enkelte av dei foregåande kampane så fann spelarane ofte kvarandre med pasningane. Gustav Pettersen markerte seg godt med agressivitet og løpsvilje, og fekk to gode sjansar etter løp i bakrommet. Den første og kanskje beste av sjansane blei avslutta over mål, mens den andre sjansen ente i et skudd utanfor frå delvis skrått hold. Sjølvsagt irriterande å ikkje få ballen imål, men godt jobba i forkant av avsluttningane. Gustav gav likevel ikkje opp og var mannen bak 1-0 målet etter 24 minutt. Han skøt fart på høgresida og kom seg forbi backen før han la en lav hard ball inn i feltet. Keeperen fomla ballen forbi seg, og der sto pluttselig Bergsøys venstreback Egzon Abazi heilt aleine på målstreken med ballen i beina.


(Bildet: Oppstillinga foran kampen.)

Bergsøy hadde full kontroll i denne perioda, og Valder såg regelrett ut til å være et nedrykkslag. Dette var klart en kamp Bergsøy skulle vinne, og trenar Svein Haukås var ivrig på at Bergsøy burde få inn mål nummer to. Preben Hestad var ganske nærme på akkurat det da han drog seg fri og prøvde skuddfoten frå 20 meter, men keeperen gjorde ei flott redning da han fista ballen opp i tverrleggaren. Returen gikk desverre til en Valder spelar. Også Kjetil Paulsen og Steffen Moltu prøvde seg på skudd frå distanse, men desse trua ikkje keeper nemneverdig.

-"Det skuddet hadde gått rett i vinkelen! Trudde aldri at keeperen skulle nå opp på den." (Preben Hestad om sitt eige skudd)

Så snudde kampen.

5 minutt før pausen så var pluttselig Valder på farta mot spelets gang. Luringen Tom Gøran Jønsson, som alltid skaper problem mot Bergsøy, fekk lure seg til i bakrommet. Arve Kvalsvik var raskt ute, men bomma på ballen. Rutinerte Jønsson blei riktignok forhindra, men ramla kanskje noko lett. Riktig dømt var det iallefall, at Valder skulle ha straffe ved den situasjonen. Anders Hole Oksnes satte ballen nede i det høgre hjørnet, mens Arve slengte seg i det andre. Dermed virka ikkje sigeren så sikker lenger for Bergsøy, som så lenge hadde styrt kampen.


(Bildet: Dommeren har dømt straffe til Arve Kvalsvik si fortvilelse.)

Ett lag på bana etter pausen.

Det er rart korleis fotballkampar snur, og korleis mål pregar kampane. Bergsøy gjekk opp i liminga, mens Valder hadde fått seg et adrenalinkick etter utligninga. Sjølvtilliten var borte, og straks var kampbildet lignande slik vi har sett det dei siste kampane; at Bergsøy slit med å finne ro med ballen, finne medspelarar, og kome opp på bana. Like før Valder fekk sitt 2-1 mål var Bergsøy heldige som slapp unna med en baklengs. Mykje duellar inne i målfeltet blei tapt, og kun redningar på strek hindra mål. Etter 49 minutt var det likevel klart for Valder-leiing, og kven andre enn Tom Gøran Jønsson var det som fekk dempe ei 35 meters-pasning i bakrommet før han styrte ballen i nota. Her burde nok Bergsøy vore meir våkne. Men det var lite som tyda på at Bergsøy skulle våkne, for det såg ut som at lufta seig meir og meir ut av ballongen.


(Bildet: Daniel Hatløy prøver å få tak i ballen.)

Om det fortsatt var luft i ballongen på stillinga 2-1 til Valder så var det nok lite igjen da heimelaget på nytt fekk seg ei straffe (63 minutt). Debutant Jørn Kvalsvik var "synderen" denne gangen, og brødreparet hadde dermed kvar sin straffesituasjon å diskutere om etter kampen. Dette straffesparket var imidlertid av det meir tvilsomme slaget, og det var få av Bergsøy sine spelarar som var einige i avgjerdsla. Likevel kan en nok seie at Bergsøy igjen kom på etterskot, og meir aggressive Valderspelarar fekk godt betalt for innsatsen. Denne gangen bytta ball og keeper side, og med Arve nede til høgre så blei det 3-1 da ballen gikk inn nede til venstre. Tre minutt seinare kom nok et mål, og Anders Hole Oksnes fastsatte til 4-1. Ved denne situasjonen såg en tydelig at fleire spelarar ikkje følgte med tilbake, og med berre 2-3 Bergsøyspelarar på rett side så blei det i mindretal mot målhungrige heimespelarar.

En slags oppsummering.

Bergsøy burde nok hatt poeng denne kampen, og hadde også poenga i lomma lenge. Idet mål kom imot så forsvann både spelet, roa og poenga. Valder hadde full kontroll etter pausen og kunne fått fleire mål, mens Bergsøy knapt hadde en halvsjanse. Magne Havnen måtte ut et stykke ut i den andre omgangen på bakgrunn av gnagesår, og det opna for at Jørn Kvalsvik skulle få sin Bergsøydebut. Også Andre Lima skulle få sin debut denne kampen, med sitt innhopp mot slutten. Terningkasta denne gangen er like, på bakgrunn av vanskeligheter med å heve enkelte under eller over andre. Gustav Pettersen skal få dagens BB'pris for si vilje og si målgivande pasning. Men hverken Gustav eller Preben kom særlig med i spelet etter pausen da Bergsøy blei pressa bakover. Kjetil Paulsen jobba godt, og Jonny gjorde det også bra på venstrekanten før pausen. Litt etter sidebyttet bytta Steffen Moltu og Jonny Leikanger plass på midtbana igjen ettersom Moltu blei sliten på den krevande sentrale midtbaneplassen. Daniel Hatløy hadde si beste periode tidlig i kampen, men fall meir ifrå etterkvart som kampen gjekk. Bakover blei det nok en gang fire mål imot, og forhåpentligvis er det meir å gå på i målhindringsfasa av spelet.

Måla
5 mål, men mest imot.
Spenninga
Spennande lenge, til Valder tok føringa.
Underholdning
45 minutt bra, 45 minutt dårlig.
Totalt
Det blei nok et sørgelig tap.

 Spillere
 Spiller  Posisjon  Terning  Mål
  Arve Kvalsvik    Keeper        -
  Magne Havnen    Høgre Back        -
  Mons Arne Kvalsvik    Midtstopper        -
  Terje Teige    Midtstopper        -
  Egzon Abazi    Venstre Back        
  Daniel Hatløy    Høgre Ving        -
  Kjetil Paulsen    Sentral Midtbane        -
  Steffen Moltu    Sentral Midtbane        -
  Jonny Leikanger    Venstre Ving        -
  Gustav Pettersen    Angripar        -
  Preben Hestad    Angripar        -
 Bytter
 Spiller  Av banen  Spiller  På banen
 Magne Havnen  (xx)    Jørn Kvalsvik    (xx)
 Daniel Hatløy  (xx)    Kjell-Alfred Otterlei    (xx)
 Gustav Pettersen  (xx)    Steffen Kvalsund    (xx)
 Preben Hestad  (xx)    Andre Lima    (xx)






1415 Kampreferat


















Kampreferat info

★
Kampreferat som inneholder bilder

☆
Godt kampreferat uten bilder

(Tom)
Lite info i kampreferat