Kampreferat 1983:

Bergsøy hadde dagen

Bergsøy - Skarbøvik 1-0 (0-0)


Fred Frantzen (82)

21.08.1983
Bergsøy Stadion


Vedlegg til kampen


Vestlandsnytt


Vestlandsnytt
Kampreferat

Det blei 2-2 mellom desse laga i vårkampen, og i cupkampen blei det SIF som vann, men denne gangen var det Bergsøy sin tur. Og det avgjerande målet kom ikkje før det var spelt 82 minutt, da eit praktskudd av Fred Frantzen avgjorde det heile. Det var ikkje noko keeper Kjetil Flatmark kunne gjere for å hindre at Bergsøy gikk opp i 1-0 da Fred vende 180 grader og sende av gårde ballen som fauk inn like under krysset. I sist serierunde scora Bergsøy på omtrent samme tid, men klarte ikkje å halde kampen ut. Denne gangen greidde laget å halde imot mot slutten. Eit taktisk trekk av å ta Trond Paulsen ut av angrepet og ned i forsvaret ilag med Knut Igesund var med på å sikre dette.

Det hadde vore sjansar også tidligare i kampen, men rett nok skjedde det meste kanskje midt på bana. Sigeren var likevel fullt fortjent, sjølv om gjestane også hade hatt ein ball i mål. Det var eit hardt langskot som gikk via ein Bergsøyforsvarer og utmanøvrerte BIL-keeper Husøy. Dommaren annulerte målet fordi Helge Skuseth var i offsideposisjon idet skotet gikk.

Den første store sjanse til Bergsøy kom da Trond Paulsen la ei pasning til Frode Wilhelmsen. Han kom seg heilt til linja og la inn, men innlegget blei for langt og bak Kjartan Paulsen som kom i stor fart mot det åpne målet.

Mdtveis i omgangen var også Gullik Kjelstadli i klar scoringsposisjon så å seie på målstreken, mens ein annan sjanse var da Frode Wilhelmsen prøvde å finne Arthur Almestad, men siste pasninga blei misslykka.

Spelesmessig var den første omgangen jamn, men Bergsøy hadde dei største sjansane. Den andre omgangen var meir sjansefattig, men 10 mminutt før slutt fekk henning Solem ein kjempesjanse etter å ha kome inn for Arthur Almestad. Solem blei litt for ivrig da han mottok innlegget og sette ballen høgt over det åpne målet. Like etter avgjorde altså Fred Frantzen.





1415 Kampreferat


















Kampreferat info

★
Kampreferat som inneholder bilder

☆
Godt kampreferat uten bilder

(Tom)
Lite info i kampreferat