H 5) Bergsøy – Ringen B 21–20

Var gutekampen underhaldande, så vart ikkje herrekampen dårlegare, mellom Bergsøy og Ringen sitt B-lag. Stemninga på tribunene auka gradvis utover i andre omgang, og Ove Vinge sette inn sigersmålet for Bergsøy 10 sekund før slutt, vart teken vel i mot i Herøyhallen. Bergsøy-herrane presterte her ein ny fin kamp. Ringen hadde sikra seg ei tomåls leiing ved pause, men etter sidebyte tok heimelaget over leiinga etter 3 raske mål, og utover i omgangen fylgdes laga åt som skuggar. 20 sekund før slutt stod det 20–20 på tavla, men då slo Ove Vinge til som nemnt innleiingsvis og vart matchvinnaren.

Toppscorarar på Bergsøy vart Nils Djupvik og Per Frøystad med 6 mål kvar. Adolf Espeseth 4, Ove Vinge 3, Dag Harald Igesund og Raymond Leine 1 kvar. I forsvaret var Torstein Dahl god, og sameleis Arve Løken i mål.

Bergsøy har etter denne sigeren 8 poeng, og er med i tetbildet.