Nytt Bergsøy‑tap
– men likevel 2. plass på slutt‑tabellen

Fotballsesongen 88 er over for Bergsøy, kanskje den merkelagaste sesongen i klubben si historie. Etter ein finande fin vårsesong, og start på haustsesongen, har laget punktert fullstendig i haust, men trass i rekkje tap på tampen av sesongen, sikra laget likevel ein verdig 2. plass. Men korleis kunne laget falle saman på denne måten? Det er det store spørsmålet som trenar og spelarar bør analysere framfor neste sesong.

I den siste kampen mot Aksla laurdag hadde BIL lite å kjempe for, og det bar kampen i høgaste grad preg av. Eit svakt Aksla‑lag vann ein fortent 2–0 siger etter at dei hadde stått 1–0 ved pause. Mange av BIL sine nøkkelspelarar som dominerte stort i vårkampane er no milevis frå forma, og BIL produserer lite framover, og sjeldne kjem heim. Borte er det sikre pasningsspelet, og ikkje minst det kjappe gjennombrotsspelet som var lagets varemerke tidlegare. Forsvarsspelet er usikkert, og lenger framover blir det for lite oppfinnsamt.

Det kan sjå ut som BIL‑spelarane manglar overskot og speleglede, og slik sett er det bra at sesongen no er over. Trass i den svake avslutninga, har BIL likevel vist at dei beste stunder har kapasitet til å spele fin fotball og kjempe i toppen. Problemet er å få meir stabilitet inn i laget, og det bør vere det store siktemålet framfor neste sesong.
Bergsøy er no i full gong med å førebu neste sesong, og ein arbeider aktivt med å få samla ein jamn og god spelarstall. Når det gjeld spelarovergangar er det klart at Gudmund Hopen ynskjer å ha eit kvileår frå trenergjerninga, men BIL‑leiinga arbeider med å få til ein "intern" løysing med samarbeid mellom Trond Paulsen og ein annan lokal trenar i klubben. I løpet av kort tid vonar ein å ha avklara trenarspørsmålet.