Forhåndsomtale
I september ifjor vann Hovdebygda 3-1 heime mot Bergsøy, og Franjo Tepuric fekk raudt kort. Denne gangen spelar Bergsøy heime og har historisk vunne 7 av 9 heimekampar mot Hovdebygda - og alle dei siste 7 kampane på heimebane har enda med siger.

I sine to første møter i Fosnavåg - i sesongane 1955/56 og 1959/60 - vann Hovdebygda for så å vinne serien og rykke opp ein divisjon. Vi må dermed 62 år tilbake i tid, til andre pinsedag i 1960, for å finne sist Hovdebygda tok poeng i Fosnavåg. Den gang vann dei 4-2 for å sikre seg opprykket til den tids 3.divisjon. Hovdebygda hadde godt tak på Bergsøy i to sesongar, men etter at Harald Arnesen og Ola Goksøyr sine mål i Huldalen gav 2-0 siger til BIL mot Hovdebygda i 1962 har Herøylaget hatt eit bra tak på kampane.

I 1995 var det Bergsøy sin tur til å slå Hovdebygda for å sikre seg opprykk til 3.divisjon. BIL vann 6-1 heime i nest siste serierunde - og spelarane var då berre ein kamp ifrå å bli seriemester samt å få belønning i form av å barbere bort Tom Beddari sin bart slik han hadde lovd om dei vann.

Totalt 19 kampar - 10 sigerar 2 uavgjort 7 tap - Mål: 50/30
Heimebane: 9 kampar - 7 sigrar 0 uavgjort 2 tap. Mål : 32-10
Bortebane: 10 kampar - 3 sigrar 2 uavgjort 5 tap. Mål 18-20

Bergsøy har vunnet 74% av heimekampane mot Hovdebygda.

Kampen:
Bergsøy fekk ein draumestart og sikra ein komfortabel siger mot Hovdebygda etter to tidlege mål av Magnus Myklebust. Han sette først inn 1–0 tidleg i kampen, før han kort tid etter dobla leiinga til 2–0.

Bergsøy hadde god kontroll gjennom mesteparten av kampen og skapte fleire sjansar til å auke leiinga. Før pause vart det også 3–0 ved Dani Rønnestad Hansen, som sjeldan scorar, men denne gongen fekk utteljing.

I andre omgang heldt Bergsøy fram med å dominere spelet, sjølv om Hovdebygda fekk redusere mot slutten. Likevel var sigeren aldri trua, og heimelaget sikra seg tre fortente poeng.

Trenar Lars Petter Rønnestad var nøgd med innsatsen og meinte laget hadde god kontroll, sjølv om det framleis er ting å jobbe med. Han peika også på at laget er inne i ein god periode, med fleire kampar utan tap.

Samstundes understreka han at serien framleis er jamn, og at det krevst hardt arbeid vidare for å halde fram den positive utviklinga.