Forhåndsomtale
Det har kanskje vore tenkt at oppgjøra mellom Hareid og Bergsøy er jamne og tette, og det er nok ofte sant, men siste 12 oppgjøra har Bergsøy ikkje tapt mot Hareid. På 12 kampar sidan 2006 har Bergsøy vunnet 9 og spelt 3 uavgjort mot Hareid, og med tanke på tabellposisjon og prestasjon i divisjonen denne sesongen måtte Bergsøy forvente å være favoritt også i denne kampen.

Kampen

Nils Erik Engen scora fire mål i sist bortekamp, ein prestasjon ikkje mange i Bergsøyhistorien har gjort før han. Denne kampen skulle han også bli avgjerande, og det tok berre ti minutt før han skulle sende Bergsøy opp i føringa. Etter 24 minutt sende han av gårde eit frispark som Bendik Frøysa satte inn returen på til 2-0, og berre fire minutt seinare var det nok ein gang Nils Erik Engen som satte inn eit mål som skulle vise seg å bli kampens siste. 3-0 til Bergsøy til pause, og full kontroll på poenga.

Spelarane sjølv og trenar Frank Sverre Skorpen var einige i at det likevel ikkje var den største prestasjonen reint spelesmessig, og kanskje ein lite publikumsvennlig kamp. Laget spelte likevel godt nok i perioden då måla kom, til at det blei komfortabelt resten av kampen.