For Bergsøy spelte Jarl Åge Vågsholm 175 kampar i 13 strake sesongar frå 1993 til 2005.
Med sine 58 mål for Bergsøy er Jarl Åge nummer 10 på Bergsøy si målscorarliste gjennom tidene.
Han var ei duracellkanin, energisk og med stålkondisjon, flink til å kome til målsjansar og dyktig på å avslutte på volley.
Dei første fotballåra
Vi dykker inn i Jarl Åge Vågsholm si Bergsøykarriære og startar på miniputtnivå.
Miniputtane til Bergsøy tok sølv under "Mini Hødd" turneringa i 1983 der 30 lag var med og deltok. I finalen blei det tap 4-2 mot Spjelkavik.
Bilde frå 1983, Bergsøy miniputtar klasse 1974. Bak frå venstre Eivind Nerland, Magnus Sverdrup, Jarl Åge Vågsholm, Håkon Andre Harsvik, Marvin Kopperstad. Framme frå venstre Arild Kvalsund, Erling Sundal, Frank Djupvik, Jon Robert Moen. Lagleiar E Sverdrup.
To år seinare var Jarl Åge blant dei Bergsøykarane som tok NFF sitt ferdighetsmerke.
Dei blir målt ferdigheiter i sjonglering, dribling, føring av ball, mottak og heading samt korte og lange pasningar.
For Bergsøy hadde Kjartan Fagerlund og Jarle Digernes drive med ferdighetsmerke ei tid for miniputtane,
og desse blei då dei yngste som nokon gong hadde klart dette i Bergsøy.
Bilde frå 1985. Dei yngste som nokon gong hadde tatt ferdighetsmerke i Bergsøy.
Bak frå venstre Ronny pål Kvalsvik, Vidar Myklebust, Stian Elvesæter og Rune Frantsen.
Framme frå venstre Vegard Fagerlund, Morten Digernes, Jarl Åge Vågsholm og Tom Erik Broks.
Dei neste åra scorar Jarl Åge Vågsholm mange mål på dei aldersbestemte laga til Bergsøy.
Til Vålerenga på tur
På sommaren 1989 blei Jarl Åge Vågsholm og Lasse Myrhol heldige spelarar som fekk oppleve ein fotballtur til Oslo.
Bilde frå 1989. Jarl Åge Vågsholm og Lasse Myrhol ligg fremst framfor alle lagkameratane sine.
Smågutespelarane blei uttrekt til å reise til Oslo for å besauke tidlegare Bergsøyspelar Marvin Arnesen i Vålerenga.
Smågutetrenar Ivan Myklebust er ein nær venn av Marvin, og såleis kom ein fram til eit spesielt tilbod som må seiast å være draumen for unge fotballspelarar.
«Jarl Åge og Lasse skal såleis besauke Vålerenga og få et innblikk i korleis ein storklubb fungerer, og dei får trene ilag med Vålerenga sitt smågutelag i tillegg til Tusenfrydpark og andre spennande omvisningar.
Avslutningsvis får dei vere med på kampen Vålerenga mot Mjølner på Bislett der dei får vere med på taktikkmøte før kampen».
Fotball og handball 1989–1991
I 1989 scorar han også fleire mål på Bergsøy sitt handballag gutar 14, noko som gjer at Jarl Åge Vågsholm i 1990 blir tatt ut til talentsamlinga LUM (Lokale utviklingsmiljø)
i Sulahallen som einaste spelar frå Bergsøy.
På Gutar 14 i handballen var han som på fotballbana ein god målscorar. Blant anna blei han toppscorar med 5 mål mot Brattvåg i eit 17-14 tap,
der også Eldar Lillerovde scora 4 mål for Bergsøy. Også andre spelarar på laget som Gard Berge, fekk også etterkvart gode Bergsøykarrierar innanfor handballen.
I ein kamp mot Spjelkavik som endte 17-17 blei Gard toppscorar for Gutar16, mens Jarl Åge Vågsholm og Andre Voldsund fekk skryt av trenaren Solveig Grønbech
for å vise kva som budde i dei. I ein kamp i 1991 scorar Jarl Åge Vågsholm på ein flygar mot Volda lagt opp av Jarl Sandnes.
Bilde frå 1990. Bergsøy sitt guttelag slo VRF med 1-0. Jarl Åge Vågsholm framme nummer to fra høgre.
Bilde ukjent årstall
Bilde ukjent årstall
Samtidig sjonglerte Jarl Åge både handballen og fotballen, og då Bergsøy sitt guttelag i fotball skulle møte topplaget Ørsta i juni 1990 blei det storsiger 5-0.
Jarl Åge Vågsholm scora heile fire av måla. I september var det klart for storkamp i Huldalen då Bergsøy sitt smågutelag skulle møte vinnaren av Norway Cup VRF.
Og det blei seier til heimelaget. Arild Kvalsund scora vinnarmålet, mens Jarl Åge Vågsholm var nærme på å auke til 2-0. Bergsøy hadde eit godt lag.
Dana Cup 1990
Bergsøy sitt guttelag i fotball gjorde det sterkt i Dana-Cup. Dei var faktisk det første laget i Bergsøy som representerte klubben i ei internasjonal turnering utanfor landets grenser.
20.juli kjørte bussen sørover med 43 personar ombord der 21 var spelarar alle ikledd heilt nye overtrekksdrakter.
Bilde frå 1990. Dana Cup.
I gruppespelet blei dei nummer to etter å ha tapt ein kamp mot Balzers frå Liechtenstein med 3-1.
Dette laget viste seg å vere betre enn Bergsøy, og Jarl Åge sitt mål blei berre eit trøystemål.
I neste kamp mot Skeid blei det andre bollar, og ein 3-0 siger etter mål av Erling Sundal, Tor Arne Voldsund og Geir Sandnes.
Så blei det også kamp mot New Jersey frå USA der ein uavgjort var nok til å gå til A-sluttspel. Det blei ein ny 3-0 siger etter mål av Arild Kvalsund,
Jarl Åge Vågsholm og Geir Sandnes.
Det vesttyske laget Buckenberg slo Bergsøy ut med 4-1 i neste kamp, der trøystemålet blei scora av Geir Sandnes på straffespark. Dermed var Bergsøy sin første historiske deltaking i Dana-Cup over.
Handball 1992/93
Jarl Åge Vågsholm var ikkje ferdig med handballen enda. I 1992 var det duka for lokaloppgjer i 3.divisjon mellom Spjelkavik og Bergsøy.
Det var venta at Nils Christian Nørvåg og Igor Terzic skulle være nøkkelpersonar for kvart sitt lag. Sannsynligvis skulle Bergsøy sette unge
Jarl Åge Vågsholm som frimerke på Igor Terzic på same måte som laget hadde gjort mot Jaroslaw Tkaczyk på Rørvik.
Bergsøy vann kampen 29-27 i det som skulle bli Gard Berge sitt gjennombrudd i Bergsøytrøya med 8 mål.
Bilde frå 1992 på handballbana, Roald Johansen og Jarl Åge Vågsholm.
Bergsøy endte på 7.plass i 3.divisjon Handball Herrer sesongen 1992/93, og Jarl Åge Vågsholm spelte då ilag med Gard Berge, Jørn Remøy,
Tor Sindre Steinsvik, Stig Vestnes og Adolf Espeseth for å nemne nokre.
A-lagsdebuten i 1993
Debuten hans kom under Tor Meinseth si trenarperiode –
der han som juniorspelar kom inn for Lasse Myrhol og var eit friskt pust i andre omgang. Han var også nær ved å score i debuten sin,
men ballen spratt ned på målstreken, og ingen var der for å ta returen.
«Jarl Åge har tidlegare vist seg som ein måltjuv - og i denne omgangen rakk han å bevise at dette er en kar Bergsøy vil få mykje glede av i framtida. Rask og løpsvillig og en evne til å finne dei rette posisjonane framfor mål." (Vestlandsnytt etter Jarl Åge sin debut)
Han scora tre mål på A-laget i sin debutsesong. Det første målet kom
Vestlandsnytt skreiv då at det var Jarl Åge Vågsholm sitt første mål i A-lagssamanheng, men at det heilt sikkert ikkje blir det siste.
Det skulle dei få heilt rett i. Seinare i sesongen får Jarl Åge Vågsholm skryt for hardt spissarbeid på topp ilag med Nils Roger Paulsen i ein kamp mot Spjelkavik.
«Årets funn, Rune Frantsen spelte nok en solid kamp på høgre back. Elles er det gledelig at unge Jarl Åge Vågsholm ser ut til å ha funne seg til rette, og er en typisk goal getter, og scoret også sitt første mål i A-lagssamanheng." (Bergsøylegende Olaf Brathaug etter Vigrakampen)
Etter 13 kampar i 1993 er Jarl Åge Vågsholm fast på A-laget frå 1994 sesongen og spelar dei 10 første kampane, og vi finn han ikkje på bana igjen
før han kjem inn halvskada i sesongens siste kamp.
Bergsøy A-lags stallen 1994.
Jubelsesongen 1995
I 1995 finn vi Jarl Åge Vågsholm og Bergsøy i storform.
Målscorarevna viste seg på topp der han scora 16 mål på 19 kampar og var dermed sterkt delaktig til at laget presterte opprykk til 3.divisjon.
Dette er det meste ein spelar i Bergsøy har scora utan å bli toppscorar eit år, i og med at Arild Kvalsund scora 23 mål dette året.
Jarl Åge hadde formtoppen ei god periode der han scora seks kampar på rad, totalt ni mål.
Under ein av desse kampane der han scora to mål skreiv Bergsøys æresmedlem Olaf Brathaug slik i Pravda:
«Han gav aldri opp. Hans siste kom ut av innsats. på vill flukt etter ballen. Forsvareren var først. Men Flis slengte frem sin gulltå like foran stolperota. Og pang blei det mål. Det minnet om en viss herr Teige sin tå i forne tider. Kjør på Flis. Du har farten som skal til." (Bergsøylegende Olaf Brathaug)
Sesongen endte med stor jubel, og Jarl Åge avslutta sesongen sterkt med scoringar også i dei tre siste kampane. Først for å sikre opprykket borte mot Harøy,
deretter scora han to mål i siste heimekamp for å sikre at Tom Beddari måtte ta barten slik han hadde lova.
Jarl Åge Vågsholm og Lasse Myrhol sikra deretter kretsmesterskapet med to mål kvar borte mot Hasundgot i ein 4-1 siger siste serierunde.
Brathaug omtalte Jarl Åge som ein levande rev etter kampen. Ein som gøymer seg men som dukkar opp i umulige situasjonar og lagar mål i vanskelige posisjonar.
Opprykk til 3.divisjon i 1995.
Bak frå venstre: Fredrik Remøy, Kåre Arne Kvalsund, Nils Roger Paulsen, Torbjørn Leikanger, Arild Kvalsund, Lasse Myrhol,
Arve Leine, Ronny Pål Kvalsvik, Erlend Eide Vike og trenar Tom Beddari.
Framme: Vegard Fiksdal, Rune Frantsen, Frank Kopperstad Skorpen, Tony Pettersen, Jarl Åge Vågsholm, Lars Ove Almestad,
Olav Elias Torset, Lennart Garnes, Kristian Berge. Fremst: keeper Trond Bø.
1996–1998 – langtidsskade
I 1996 var Jarl Åge ein del i militæret, men det blei 13 kampar likevel. Sesongane 1997 og 1998 blei derimot verre med, med to kampar i kvar sesong i vår statistikk.
Preben Hestad og Jarl Åge Vågsholm fungerte bra saman på topp i treningskampane og scora jamnt og trutt i 1997,
og dette fortsatte også da det blei alvor 16.april 1997 i årets første cupkamp mot Hareid.
Men så fekk Jarl Åge eit skadeavbrekk, og blei sårt sakna i lengre tid. Til kampen mot Spjelkavik håpte trenarduoen Beddari/Prytz at hans løpskapasitet og vilje kunne være tilbake på plass.
Men Jarl Åge Vågsholm si skade såg ikkje ut til å betre seg med det første, og Arild Kvalsund blei henta frå Ørsta for å dekke eit spissproblem i Bergsøy
etter at også Lasse Myrhol hadde fått seg ein lyskestrekk.
Lagbilde 1996
Lagbilde 1997
Det som starta så bra med mål på bana, endte med ein sesong utanfor sidelinja - og også før sesongstart 1998 var Jarl Åge omtala som uaktuell på grunn av langtidsskade.
Det blei med to innhopp heilt mot slutten av denne sesongen på A-laget, og elles mest spel for Bergsøy2.
1999–2001 – tilbake som viktig brikke
Dette snur seg i dei neste sesongane der han igjen vil bli ein viktig brikke for laget. Jarl Åge spelar 25 kampar i 1999 og 21 kampar i 2000.
Lagbilde 1999
Lagbilde 2000
Lagbilde 2001. Bak frå venstre: Trenar Jørn Manussen, Frank Sverre Skorpen, Roy Igesund, Frode Myrhol, Martin Molnberg, Arve Leine, Geir Sandnes, Jan Åge Torgersen, Børge Remøy og Arvid Kvalsund (Oppmann) Framme: Steffen kvalsund, Anders Per Vågsholm, Marvin Kopperstad, Knut Erik Håheim, Morten Reite, Tommy Ingebrigtsen, Christoffer Nilsen, Jarl Åge Vågsholm, Karl Bjarte Vike og Pål Andre Nerland.
Sesongen 2000 starta med at Jarl Åge sendte Bergsøy i leiinga på Beckham-vis mot Skarbøvik i cupen, eit skot frå 25 meter som suste i hjørnet.
Men Bergsøy tapte 3-1, og laget fortsatte med fleire dårlege resultat i starten og låg nest sist etter 11 runder og berre to sigerar.
Jarl Åge hadde fleire viktige mål som var med på å halde Bergsøy over nedrykksstreken idet sesongen var over, totalt 8 mål.
Den ubesigra 2002-sesongen
Jarl Åge opplevde opprykk i 1995 og var nærme på å klare det igjen i 2002. Det blei 22 seriekampar utan tap og eit seriomeisterskap i 3.divisjon der han scora 6 mål i løpet av sesongen. Ørsta er eit lag Bergsøy ofte har slitt mot, men Jarl Åge sine to mål mot Ørsta i seriens andre kamp var med på å sette standarden og flyten for resten av sesongen.
Bergsøy slår Ellingsøy med 6-1 i 2002 sesongen. Jarl Åge scorar allereie etter 5 minutt. Frå venstre Rune Frantsen, Roy Igesund, Frank Skorpen og Jarl Åge Vågsholm
Bergsøy slår Hareid med 4-2 etter mål av Frank Sverre og Jarl Åge, samt godt keeperspel av Martin Løset
Bak frå venstre: Raymond Leine, Kristian Berge, Rune Frantsen, Frode Myrhol, Roy Igesund, Martin Molnberg,
Mons Arne Kvalsvik, Trond Paulsen, Arve Leine, Jarl Åge Vågsholm, Anders Per Vågsholm, Steffen Kvalsund og Gudmund Hopen.
Framme: Karl Bjarte Vike, Martin Løseth, Børge Remøy, Christoffer Nilsen, Anders Helsem Hoff, Knut Erik Håheim,
Lars Conradi Andersen, Vegard Sævik, Frank Sverre Skorpen, Arild Kvalsund og Arvid Kvalsund.
2003–2005
Jarl Åge Vågsholm var mykje skada i 2003 sesongen, og det blei med berre ein kamp. Men han blei ein viktig brikke i laget i 2004 og 2005 sesongane.
2004. Brattvåg - Bergsøy 2-4. Jarl Åge Vågsholm spelte en god andre omgang og punkterte kampen med eit flott langskot som gjekk rett i krysset.
2004. Målscorarane Jarl Åge og Anders Vaagen etter 2-1 mot Godøy
2004. Bergsøy slo Skarbøvik med 5-3 på Bergsøy Stadion. Jarl Åge Vågsholm scora det siste og avgjerande målet for å punktere kampen.
2004 hadde fleire oppturar og gode resultat, mens 2005 sesongen blei ein tyngre sesong med kampen mot nedrykk.
Jarl Åge sine energiske løp på kanten skulle bli viktig for å halde energien og håpet om ståplass.
Med to mål heime mot Sykkylven og to mål heime mot Volda var han sterkt delaktig i å snu dei dårlege resultata og få Bergsøy til å berge plassen i 3.divisjon.
2005. Jarl Åge har scora to mål heime mot Sykkylven. Frå venstre Jarl Åge, Anders Hoff, Frank Skorpen og Christoffer Nilsen.
2005. Våt kamp og vått bilde etter siger mot Volda. Frå venstre Marvin Kopperstad, Gustav Pettersen. Jarl Åge Vågsholm, Preben Hestad.
Den siste Bergsøykampen
Det siste Jarl Åge Vågsholm gjorde i Bergsøydrakta på A-laget var å vere med på å sikre 3.divisjonskontrakta heime mot Stranda foran 106 tilskuarar i Huldalen 24.september 2005.
Jarl Åge Vågsholm mot Stranda i 2005 i sin siste Bergsøykamp.
Jarl Åge Wågsholm fekk raudt kort og marsjordre mot slutten av den andre omgangen.
Litt spesielt der altså, at det siste Jarl Åge gjorde i ei Bergsøydrakt var å bli utvist.
Han var ueinig i eit Stranda-kast, men la likevel ballen rett ned på linja medan ordet "Homlepong" kom ut av lungene.
Ronald Moen på sidelinja kunne etter kampen stadfeste av ballen aldri var ute av spel.
Dommaren likte oppførselen dårleg, og forveksla homlepong med det meir aggressive horepong. Dermed direkte raudt kort til den normalt svært så avbalanserte venstrevingen.
Litt ros må vi gi til dommaren sidan han etter kampen vedtok at han nok misoppfatta situasjonen, og det raude kortet blei omgjort til et gult.
Bergsøy sikrar plassen i 3.divisjon 2005 sesongen, og dette er det siste vi ser av Jarl Åge Vågsholm i Bergsøy på A-laget.
Bak frå venstre: Tom Beddari, Kurt Åge Hauge, Gustav Pettersen, Magne Havnen, Steffen Moltu, Arve Leine,
Steffen Kvalsund, Mons Arne Kvalsvik, Frank Skorpen, Lars Conradi Andersen, Christoffer Nilsen og Jarl Åge Vågsholm.
Framme frå venstre: Kjell Alfred Otterlei, Per Ståle Nykrem, Arve Kvalsvik, Toni Sandanger, Preben Hestad,
Frå sesongen 2006 blei Jarl Åge Vågsholm å finne i Tjørvågdrakta som spelande trenar.
Og i Tjørvåg har han vore sidan og gjort ein kjempejobb der. Jarl Åge Vågsholm er årets grasrottrenar på Sunnmøre i 2022. Vi gratulerer.
Tjørvåglaget 2008
Offisielle kamptal år for år, kampoversikt og registrerte kampar frå lagoppstillinga.
Målunivers: mål år for år, målsnitt, måltype, straffer, hattrick og scoringar mot lag/bane.
Bildearkiv knytt til spelaren.
Relaterte bilder
Født ca 1975
Lagbilde A-lag 1995
1995
Bak fra venstre: Geir Sandnes, Arild Kvalsund, Torbjørn Leikanger, Toni Pettersen, Ronny Pål Kvalsvik, Lasse Myrhol, Arve Leine, Tom Beddari, Kåre Arne Kvalsund.
Framme: Jarl Åge Vågsholm, Knut Erik Håheim, Vegard Fiksdal, Frank Sverre Skorpen, Kristian Berge, Rune Frantsen. Fremst: Keeper Roger Wollan
HN
Ha/No
V
Volda
H
Hasundgot
S
Sunnylven
B
Brattvåg
E
Ellingsøy
H
Hareid
V
Vartdal
V
Vigra
S
Skodje
G
Godøy
S
Spjelkavik
L
Langevåg
Ø
Ørsta
S
Skarbøvik
H
Hovdebygda
Å
Ålesund2
V
Valder
ÅV
Åram/Vankam
H
Hødd2
S
Sykkylven
H
Harøy
H
Hundeidvik
H
Hessa
V
VRF
S
Stranda
F
Fjørtoft
A
Aksla
B
Blindheim
H
Herd
S
Stordal