Haukås ny trenar

Artikkelen nedanfor var også å finne 8.november i Vestlandsnytt.

Tidligare juniortrenar Svein Haukås har takka ja til jobben som hovudtrenar for A-laget til Bergsøy komande sesong.

Med seg får harn Preben Hestad som spelande hjelpetrenar. I tillegg er tidligare Hødd-spelar, Cato Eiksund Rogne, også aktuell som spelande hjelpetrenar, men har etter det Vestlandsnytt kjenner til ikkje signert for Bergsøy ennå. Oppmann for A-laget vert Mathias Pettersen.

På juniorlaget held "Odden" Seljeseth fram som trenar, med Kjartan Paulsen som hjelpetrenar. Oppmann for juniorane vert Terje Lima. I tillegg er fysioterapeuten Roger Kvalsvik førespurd om å bidra med tilrettelegginga av fysiske treningsopplegg framover mot seriestart, fortel sportslig leiar Kjetil Goksøyr.

-"På spelarsida ligg det ikkje an til dei store endringane, men vi jobbar kontinuerlig med å få henta inn nokre av dei gamle Bergsøy-spelarane. [...] Mellom tinga en vil ta fatt på er å få stabla på beina et sterkare forsvar for A-laget. Forsvarsspelet har vore svakheita til laget gjennom heile sesongen, og det vil vi freiste å få retta på fram mot neste sesong. I tillegg vil vi legge til rette for å få utarbeidd ein felles strategi for både A-lag, junio og helst også guttelaget," seier Goksøyr.