Stranda fekk det meste til å stemme i denne kampen, og i fleire periodar vart Bergsøy spela heilt rundt. Allereie etter ni minutt kom den første scor­inga då Geir Koppang slo eit hardt innlegg direkte mot mål, like under tverrliggaren. Fem minutt seinare spurta Leidulf Årvik frå Kurt Berge og sette ballen sikkert i mål åleine med keeper.

Tempoet gjekk litt ned utover i omgangen, men Stranda heldt fram som det klart mest aggressive laget. Like før pause kom også 3–0 då Kalle Hjelle skrudde eit frispark rett i mål frå om lag 20 meter.
Bergsøy, som ikkje skapte ein einaste målsjanse før pause, fekk litt meir tak i spelet etter sidebyte. Innbyttar Henning Solem bidrog til å få litt meir fart i angrepa, men etter kvart tok heimelaget tilbake full kontroll og la på tre nye scoringar.

4–0 kom då Torgeir Aaland sette ballen i mål etter eit nytt innlegg frå Kalle Hjelle. 5–0 vart eit flott mål av Lasse Opshaug, som også scora 6–0 då han heada inn etter ein corner. Robert Løken var òg nær ved å få seg ein scoring, men målet hans vart annul­lert etter ein diskutert situasjon.
For Stranda var Janne Løken og Kalle Hjelle blant dei aller beste på bana. For Bergsøy var Gullik Kjellstadli den som utmerka seg mest, og han måtte rydde opp i fleire vanskelege situasjonar i ein elles tøff kamp.