Forhåndsomtale
Bergsøy-trenar Lars-Petter Rønnestad seier laget må tole å vere klare favorittar. Vi slo Blindheim borte i vår – i det som var ein fortent siger. Men det var også ein kamp vi burde punktert tidlegare, då det var jamt heile vegen inn. Mykje er forandra sidan sist. Vi er sterkare no, og har meir fasong på spelet vårt. Enrique Crespo Søvik har fått trena bra, og no får han sin heimedebut. Elles rekker nok ikkje Magnus Myklebust kampen. Men vi håper at både Aleksander Rekdal og Nils-Erik Engen kan vere tilbake.

Bergsøy sitt fotballag er tilbake no, vil eg hevde. Det tok eit halvt år, men no er vi der vi ynskjer å vere. No er det opp til oss sjølve, seier trenaren.

Kampen

Det blei ein kamp der heimelaget Bergsøy måtte være tolmodig, for i den første omgangen sleit Bergsøy med å trenge igjennom bortelagets kompakte forsvar. Blindheim spelte godt forsvarsmessig og hindra Bergsøy i mykje, samtidig som Bergsøy blei frustrerte og ikkje fekk til sitt beste spel. Dette førte til dobbeltbytte i pause for å forandre litt på spelet, og Sondre Nygård Olsen som var litt småsjuk gikk blant anna ut, og inn kom Espen Langlo Driveklepp og Aleksander Rekdal.



Pijus skyt inn 1-0 høgt i mål
Bildet: Frå Thomas Sporsheim video Sportsheim


Aleksander Rekdal viste at han er viktig for laget, og etter 60 minutter var det endelig klart for kampens første mål. Pijus Marcinkevicius fekk ballen rundt 16 meteren og hamra den opp i hjørnet. Tre minutter seinare var det klart for 2-0 idet heimedebutant Crespo satte inn sitt første mål på heimebane. Målscoraren sjølv sa han var rusten etter ni månadar uten å spele fotball, men er fornøgd med kva han har fått til i sine to første kampar for Bergsøy med to mål.
Crespo setter inn 2-0 med ein smygar nede til høgre for keeper
Bildet: Frå Thomas Sporsheim video Sportsheim


Islanske Daniel Arnfinnson blei mot slutten av kampen tomålsscorar, og det siste målet suste hardt i nettet. Dette var ifølge statistikken heimekamp nummer 700 for Bergsøy, og inn på bana kom også Frank Sverre Skorpen som nærmar seg 500 kampar for klubben. Han var nærme på å gi Arnfinnson ei målgivande pasning.