Situasjonen i toppen er uendra og like ulidelig spennande etter at alle dei fire topplaga vann sine kampar i denne runda. Sjølv om Bergsøy har det svakaste utgansgspunktet av dei fire laga, er det langt ifrå umogelig å ta full pott i dei fire siste kampane. Laget har bevist at dei har kvalitetar og kapasitet til å slå alle laga i divisjonen.

Laurdagens kamp mot Harøy var langt mer spennande en Bergsøy-tillhengarane sette pris på. Då et svakt Harøy-lag utlikna til 1-1 på ei kontring ut i den andre omgangen, samtidig som Bergsøy spolerte den eine store sjansen etter den andre, frykta vi ei ny Herd-blemme. Men to raske scoringar i dei siste åtte minutta av kampen avgjorde i Bergsøy sin favør. Bergsøy tok fort kommandoen mot et svakt Harøy-lag, men på grunn av svak pasningskvalitet og liten kreativitet hadde Bergsøy problemer med å spele seg igjennom forsvaret til Harøy. Farligast vart det då Vegard Fiksdal kom seg rundt på kanten, men det var for liten vilje og aggresivitet inne i feltet. Dermed hadde Harøy-forsvaret en enkel jobb med å klarere. Særlig sakna vi folk på fremste stolpe på dei mange innlegga.

I det 20.minuttet var det imidlertid klart for 1-0. Arild Kvalsund og Geir Sandnes kombinerte fint på høgresida. Geir avslutta med ein mellomting mellom skot og pasning, som vegard Fiksdal var påpasselig frammpå og sette imål frå 7 meters hald. Også seinare i omgangen hadde BIL en del sjansar, ofte etter lange presise pasningar frå sweeper Lasse Myrhol. Sjølv om Bergsøy styrte kampen hadde Harøy to raske og farlige spissar på topp i Morten Håheim og Bjørn Håheim, som var en stadig trussel mot forsvaret. Harøy var nære på å utlikne rett før pausen, men Nils Roger Paulsen fekk feia ballen til corner.

Også i 2-omgang hadde Bergsøy et klart spelesmessig overtak og spelte småpent på midtbana, men det vart for lite tyngde og aggresivitet framover. Derimot var harøy giftige på sine kontringar, og etter 8 minutt venta vi på utlikninga. Bjørn Håheim kom aleine med keeper Roger Wollan, men Roger kasta seg i føtene på spissen og fekk avverga scoring. Midtveis i omgangen skulle likevel utligninga kome. Samme Håheim fekk stå umarkert, og frå 16-meters hold small han ballen i vinkelen. Bergsøy keeperen rakk ikkje å løfte en finger. Etter dette kjørde Bergsøy hardt på for å på nytt skaffe seg leiing i kampen. Endre Tjervåg headda en ball i mål, men denne blei avblåst feilaktig for angrep på keeper. I denne situasjonen var det ein medspelar som hindra keeperen. Så i det 38.minuttat var det klart for nytt mål. Vegard Fiksdal forserte fint til dølinja, og etter litt rot lykkast det for Geir Sandnes å headde ballen inn i mål. Og det stoppa ikkje med det. Like etter gjekk Geir på et nytt flott Leo-løp, finta ut en motspelar, og la presist tilbake til Arild Kvalsund. Arild sende ballen i mål frå 16-meters hald. I angrepet etter var det Rune Frantsen sin tur å få annulert et mål, denne gangen tvilsomt for offside.

Hos heimelaget gjorde nok en gang keeper Roger Wollan en solid kamp. Lasse Myrhol ser ut til å trivast i rolla som sweeper. Han skal også ha ros for sine mange fine langpasningar. Også Rune Frantsen imponerte, sikker defansivt og med effektive raid frammover. Geir Sandnes gjorde mest ut av seg av dei lengre frammover på bana.