Bergsøy sleit lenge med å få utteljing, men sikra til slutt ein komfortabel og fortent 3–1-siger over SIF/Hessa på klubbens 75-årsdag.

Heimelaget tok kommandoen frå start og styrte spelet, men sleit med å omsetje sjansane i mål. SIF/Hessa stod imot presset, og etter fem minutt fekk gjestane ei gåve då Bergsøy mista ballen unødvendig. Inge-Andre Gåda takka for sjansen og sende SIF/Hessa i leiinga.

Den tidligare keeperen Petter Meland Aasen som no er midtstoppar , tok frispark frå 17 meter og det gjekk imål til 1-1 via stolpen. Etter pause heldt Bergsøy fram med å skape moglegheiter. Til slutt var det Pijus Marcinkevicius som tok ansvar. Den heimvende sonen leverte først eit velplassert innlegg til Magnus Myklebust, som sette Bergsøy i leiinga 2–1. Seinare gjorde Pijus alt sjølv då han gjekk gjennom SIF/Hessa-forsvaret og sette inn 3–1. Då var kampen i realiteten avgjord.Etter kampen vart Magnus Myklebust kåra til Bergsøys beste av den lokale juryen, medan Vestlandsnytt trekte fram Pijus Marcinkevicius som banens klare nummer ein.

Frank Sverre Kopperstad Skorpen var glad for sigeren, men meinte laget framleis hadde ting å rydde opp i. Han sa at Bergsøy måtte slutte å rote, fordi slike detaljar er viktige, sjølv om det vart ein fortent siger.