Vi kjem bakpå etter personlige feil, og Ørsta legg seg bakpå. Vi skaper nok sjansar til å vinne, men vi er vaksinert mot å scåre. Vi prøvde, men idag var vi ikkje god nok "
(Bergsøytrenar Frank Sverre Skorpen)

Bergsøy fekk ein marerittstart og måtte til slutt nøye seg med 1–1 mot Ørsta, eit resultat som gjorde opprykkskampen langt vanskelegare for herøyværingane.

Før det var spelt fem minutt fekk Bergsøy ein tidleg smell då Franjo Tepuric gjekk i bakken etter ein duell og måtte ha behandling ute på bana. Etter kvart vart han sendt til legevakt, og ifølgje Vestlandsnytt kunne det vere snakk om brotskade. Bergsøy-kapteinen Josok Kvalsvik peika etter kampen på kor viktig Tepuric er for laget, ikkje berre som målscorar, men også fordi han bind opp motstandarforsvaret.

Like etter skaden rota Bergsøy bort ballen i eigen bakre rekkje. Mats Øvrebøtten utnytta feilen og sende Ørsta i leiinga etter tolv minutt i Fosnavåg.

Bergsøy sleit med å få kontroll på kampen i første omgang. Pasningsspelet og angrepsrekkjene fungerte dårleg, og laget verka stressa. Thomas Sætre Hauge ropte fleire gongar frå sidelinja at spelarane måtte slutte å slå klassepasningar og heller gjere det enkelt. Ørsta heldt leiinga til pause, og Bergsøy var heldige som berre låg under med eitt mål.

Etter kvilen fekk Bergsøy ein betre start og byrja å ta meir over kampen. Heimelaget skapte fleire sjansar utover omgangen, men sleit lenge med å få ballen i mål. Det såg ut til å gå mot bortesiger for Ørsta, men like før full tid dukka Magnus Myklebust opp. I det 90. minuttet kjempa han seg gjennom Ørsta-forsvaret og sette inn utlikninga til 1–1.

Etter scoringa kasta Bergsøy fram mykje folk i jakta på sigersmålet, men trass i stort press klarte dei ikkje å få inn eit nytt mål. Kampen enda dermed uavgjort.