Geir Sandnes

    Geir Sandnes er kanskje ein av dei mest talentfulle fotballspelarane Bergsøy har hatt. Ein sterk og teknisk slepen sentral midtbanespelar med stålkondisjon, godt overblikk og målteft.

    Han er også kjent under kallenamnet «Svela», og sjølv om skadar til tider sette ein stoppar for kontinuiteten, viste han gjennom fleire periodar eit svært høgt nivå.

    Geir debuterte på A-laget i 1990, heime mot Haddal i ein 4–2-siger, då han erstatta Trond Paulsen som spiss. Allereie på den korte tida han fekk på bana viste han at han var ein spelar for framtida.

    I åra fram mot 1996 blei han ei viktig brikke i Bergsøy-laget, og var blant anna med på opprykket til 3. divisjon i 1995.

Dei første åra

    I 1986 var det Rundemarsj, og den 11 år gamle Geir Sandnes frå Remøy var først i mål i Goksøyra. Han brukte éin time og 32 minutt på joggeturen.

    Geir Sandnes var også aktiv i friidrett og hadde gode resultat der.

    Under idrettsdagen i 1986 var det Remøy-gutane som gjorde det skarpast i guteklassa. Geir vann med 286,5 poeng, og blant resultata var eit høgdehopp på 1,40 meter.

    I 1990 blei Geir Sandnes og Vegard Fiksdal tatt ut til gutekretslagssamling på Guard Park.

    I ein gutekamp på ei elendig Huldalsbane i mai same året var det Geir Sandnes, Vegard Fiksdal og Arild Kvalsund som utmerka seg då Bergsøy vann 3–2 over Brattvåg.

A-lagsdebuten

    Debuten på A-laget kom det siste kvarteret i ein 4–2-siger heime mot Haddal i august 1990.

    I tida som følgde viste Geir stadig meir av den gode teknikken, overblikket og løpsstyrken sin. Han blei etter kvart omtala fleire gongar som ein midtbanedirigent.

    «Elles fekk unge Geir Sandnes sin A-lagsdebut i Bergsøytrøya då han kom inn som erstattar for Trond Paulsen som spiss det siste kvarteret. På den vesle stunda han var inne rakk Geir å vise at han er ein mann for framtida.»

    – Vestlandsnytt, august 1990

Tilbake frå Hødd

    I august 1993 var Geir tilbake i Bergsøytrøya etter eit kort opphald i Hødd.

    Det skulle vise seg å bli viktig for Bergsøy i åra som følgde.

    I september 1993 stod det at «Geir regisserte det meste i si sentrale midtbanerolle».

    Tor Meinseth prøvde også Geir som spiss, noko som fungerte godt i ein treningskamp mot Hareid i 1994.

    I 1994 og 1995 spelte Geir det meste av kampane og blei ei viktig brikke då Bergsøy sikra opprykk til 3. divisjon.

England og årets spelar

    I mars 1996 studerte Geir Sandnes media og kommunikasjon i Wolverhampton i England saman med Steinar Hagen.

    Der blei Geir tilbydd 40–50 pund i veka for å spele med Brightnorth. Det tilsvarte rundt 400–500 kroner i veka. Nivået blei omtala som omtrent tilsvarande norsk 3. divisjon.

    Det blei likevel 17 kampar for Bergsøy i 1996-sesongen, og Geir Sandnes blei kåra til Årets Bergsøyspelar 1996.

Ørsta og vidare

    I mars 1997 var Geir Sandnes og Arild Kvalsund å finne i Ørsta-drakta.

    Arild blei ikkje lenge før han returnerte til Bergsøy, medan Geir heldt fram i Ørsta ei stund til.

    Under Grendacupen i romjula 1998 viste Geir igjen dei tekniske ferdigheitene sine og blei kåra til turneringa sin beste spelar.

    «På midtbana dreiv Geir Sandnes med ein annan idrett og er i kjempeslag. Han dominerte stort, var overalt og drog med sine lagkameratar. Han var i ei klasse for seg.»

    – Vestlandsnytt, september 2000

Tilbake i Bergsøy

    I 2000 var Geir tilbake i Bergsøytrøya.

    Det blei berre åtte kampar denne sesongen, men av dei fem første kampane han spelte blei han kåra til banens beste i fire.

    I 2001 var Geir igjen ein svært viktig spelar. Han spelte 18 kampar og viste eit svært høgt nivå.

    Han var eigentleg på utlån frå Ålesund til Bergsøy, og ein av dei mest minnerike kampane kom nettopp mot Ålesund 2, der Geir Sandnes blei omtala som heilt suveren.

    Han hadde også spelt ei tid for Oppsal.

    Geir Sandnes blei kåra til Årets Bergsøyspelar også i 2001.

Hareid og Sparta Sarpsborg

    I april 2002 skreiv Geir Sandnes under for Hareid.

    Nokre månader seinare var han derimot å finne i god form for 2. divisjonsklubben Sparta Sarpsborg.

    Då vi kom til august 2002 kjempa Sparta om opprykk, med Geir som ein viktig del av laget.

    I januar 2005 skreiv Vestlandsnytt at Geir la opp.

Eit siste comeback

    I 2007 gjorde Geir likevel eit lite comeback i Bergsøy-drakta.

    Det blei fem kampar og to mål.

    Han blei blant anna klart banens beste spelar i ein

    5–0-siger mot ÅVK.

Bilder