Historisk kamp på øverste nivå
Så var dagen komen. 29 930 dager etter at klubben blei stifta så fekk Bergsøy spele en kamp på øverste nivå i Herøy. Det tok 81 år, 11 månader og 10 dager.
Vi noterte oss tidligare at Handballgruppa i Bergsøy blei stifta 30.10.1946. Det er 79 år, 10 månader og 15 dagar sidan.
Historikk.com ser prestasjonar i perspektiv, og dette var den største handballkampen Bergsøy har spelt i Herøy nokongong. Enkelt og greitt.
Og 443 tilskodarar fekk være på tribuna og oppleve det. Veldig mange kom inn 1time og 30 minutt før kampstart idet dørene opna kl 14:30. Og før kl blei 16:00 så var det lys og røykshow idet Bergsøyspelarane kom inn på bana.
I 2.etasje i den nybygde presseboksa sat journalistar og andre VIP-personar. Tv-produksjon og speaker. Dette var proffare rammer enn det har vore i ein handballkamp i Herøy nokongong. Og så motstanderen da, Sandefjord. Ein av dei mest meritterte tradisjonane i norsk herrehandball, med 10 NM-gull og fire seriegull gjennom Sandefjord HK/Sandefjord TIF.
No skal det seiast at Bergsøy og Sandefjord har møttast nokre gongar siste åra, både i 2023/24 og i 2024/25 sesongane - der Sandefjord tok 1.plassen i sistnemnte og rykkte opp til toppdivisjonen. Bergsøy slo dei heime med 31-30 den gang. Sandefjord endte på 7.plass i Rema 1000 ligaen sist sesong. Men no er det som kjent Elkjøp-ligaen som er det nye namnet på Eliteserien.
Og kva forventa vi? Vi forventa sjølvsagt ein tøff kamp. Bergsøy er stort sett underdog i dei fleste kampar denne sesongen, og ein kjent TV2-reporter har tippa klubben ned igjen. Så Bergsøy er i angrepsposisjon. Og når en ser motstandarar der ein mest trulig må ha to tommestokkar for å måle lengda på så forstår vi at dette er ein fysisk krevande liga å spele i. Vi såg det heilt i starten at Sandefjord sin spelar Felix Abrahamsen Lunde (205cm) brøyta seg igjennom, og det var nesten som å sjå ei bowlingkule i stor fart gjennom kjeglene.
Men så blei han egentlig ikkje så dominerande som en skulle frykte. Bergsøy klora tak i han, og fekk en bra start på kampen. Emil Raknes scora Bergsøy sitt første eliteseriemål i Herøy kommune. Kristoffer Rosenkilde hadde en god kamp og gav oss 2-1. Philip Haga gav oss 3-2. Ruben Meder gav oss 4-3. Ove Lutzen gav oss 5-3. Og etter 11 minutt var stillinga 6-6.
Bergsøy der altså, et lag med fleire som bidreg med mål. Men så skjedde det jo litt utover i omgangen som vi har høyrt også dei to første kampane i Eliteserien: At Bergsøy er veldig gode når dei er gode, men har også perioder i kampane der dei har for lavt nivå. Og dette skjedde i løpet av den 1.omgangen også denne gangen desverre, som medførte at stillinga til pause var 16-22.
Snur dei dette i 2.omgang så blir det tidenes snuoperasjon
Steffen Helsem Kvalsund – Supporter
Kampen virka drept mot slutten av den første omgangen. Ein Sandefjordspelar hadde eit sigersbrøl på ei av dei siste scoringane der, som for å seie til oss at dette var ein knockout.
Kom sterkare i 2.omgang
Men Bergsøy er ikkje i Eliteserie berre for å ha det gøy. Og kva som blei sagt i garderoba veit vi ikkje, men det kan umulig ha vore "Fortsett som vi gjorde siste 15 minutta". Bergsøy låg under med 6 mål men gav ikkje opp. Stemninga i hallen steig i takt med håpet til spelarane på at dette var mulig. 11 minutt ut i omgangen var det berre to mål det sto om da stillinga var 26-28. Petter Eikrem var sentral og scora mange mål, og var sikker på straffer.
Han scora 11 mål denne kampen. Så mange scora han også mot Kragerø i april, og han scora 12 mål mot Viking i februar, mens rekorden i Bergsøydrakt er 13 mål mot Charlottenlund i desember 2025. Så dagens målkamp av Petter var ganske bra, og vi jubla ilag med han idet vi såg at kvar enkelt straffescoring betydde noko.
For det er tross alt det som er det viktige for oss. Å sjå at dette betyr noko. Å sjå innsatsen. Både publikum og spelarane forsto at det som skjedde ei periode før pause det var for dårlig. Sandefjord scora for lett. Vi bomma for mykje. Då blir en straffa. Men en smart boksar sa en gang at det handlar ikkje om kor mange gangar en blir slått i bakken, men om kor mange gangar en røyser seg igjen. Og Bergsøy røyste seg opp og var klar til kamp etter pausen. Og vi digga det.
Det blei to raude kort, som vi legger på kontoen "vi gav alt". Vi prøvde. Og Bergsøy kom nære. Men akkurat dei gangane vi såg at NO kunne Bergsøy klare å utlikne, så skjedde nokre enkle feil igjen. Og idet vi håpte på litt flaks så trilla ballen gjerne litt til fordel for Sandefjord. Oddvar Roseth i målet kjente nok på nokre slike som han var på - nestenredningar der publikum var omtrent i jubel. Men så gjekk ballen likevel i mål. Det var ikkje en enkel dag for våre to keeperar i mål denne gang.
Sigvart Kval hadde 14% redningar som bestemann. Både Oddvar og Sigvart har hatt enkeltkampar med over 40% redningar, dog dette er sjølvsagt noko en trulig ikkje vil sjå på dette nivået. Mål imot er det sjølvsagt heile laget som må ta på si kappe, men Sandefjord må jo sjølvsagt få skryt dei også for gode avsluttningar.
Med knappe sju og eit halvt minutt igjen var Bergsøy berre eitt mål bak etter å ha vore under seks mål under ved pause. Kampen levde lenge etter at den såg død ut. Men det blei altså berre nesten.
Bergsøy vann den andre omgangen, og igjen viser laget høgt nivå til tider. Det gjeld å halde hodet høgt vidare også.
Ruben Meder blei kåra til dagens bestemann i 36-39 tapet. Han jobba godt og scora 7 mål i sin fjerde Bergsøykamp.
Takk for tidenes første Eliteseriekamp i Herøy. Vi ser fram til den neste.
👉 Les kampreferat her