Pederprisen
Bergsøy oppretta Pederprisen som ei årlig påkjønning til ungdommar under 18 år som framhevar seg på ein positiv måte i idrettsmiljøet. Prisen er oppkalla etter klubbens første æresmedlem Peder Worren som gikk bort i 2000.
Pederprisen – Peder Worren
Bergsøy oppretta Pederprisen som ei årleg påskjønning til ungdommar under 18 år som framhevar seg på ein positiv måte i idrettsmiljøet. Prisen er oppkalla etter klubbens første æresmedlem Peder Worren som gikk bort i 2000.
I samband med begravelsen gjorde familien det klart at ein heller kunne gi gåver til Bergsøy og Herøy Turlag enn å kjøpe blomster til grava, og Bergsøy-leiinga fekk då ideen om å hedre veteranen med ein eigen pris.
Liste over vinnere av Pederprisen
Pederprisen 2001
Øyvind Monsen blei den verdige vinneren av den aller første Pederprisen som han fekk utdelt av Ruth Worren og Terje Krogseth (Sparebanken Møre). Øyvind var aktiv på Bergsøy sitt juniorlag i fotball, og ein del av det aldersbestemte fotballmiljøet i åresvis. Han utmerka seg som ein glad og positiv idrettsgut.
Han har dei rette haldningane, og han skal være mykje sjuk om han ikkje møter opp på trening. Han er eit arbeidsjern på bana, fairspelande og ei positiv inspirasjonskilde som oppmuntrar sine lagkameratar.
Pederprisen 2002
På årsmøtet i Bergsøy Idrettslag fekk Therese Igesund overrekt Peder-prisen. 17-åringen fekk prisen for si positive innstilling, ikkje berre som aktiv handballspelar, men også for at ho har teke trenaransvar mellom dei yngre. Prisen på 2500 kroner vart utdelt av Ruth Worren.
Prisen er ei påskjønning til idrettsungdom som gjer ein god innsats for Bergsøy IL, og er eit godt forbilde for andre i ekte «Peder-ånd».
Pederprisen 2003
Ruben Kvalsvik (17 år) blei utdelt Pederprisen under Bergsøy Idrettslag sitt årsmøte. Det er ikkje først og fremst sportslege kriterium som ligg til grunn for prisen, men at ein i idrettsmiljøet viser velvilje, er eit godt eksempel og viser positive handlingar overfor lagkameratar og andre. «Og Ruben oppfyller alle disse kriteria», sa formann i hovedstyret Stig Vestnes.
Ruben har avslutta andre året på idrettslinja i Ulstein og har vore aktiv i friidrett heile livet. Han har hevda seg godt på krinsnivå både på 100 meter og 200 meter, og er ein aktiv og treningsvillig kar som likar å klatre og gå på telemarkski.
Han har ved fleire høve steppa inn som trenar for friidrettsutøvarar i alle aldrar, og er omgjengelig og alltid blid. Ruben mottok prisen til trampeklapp.
Pederprisen 2004
Dette året gikk prisen til Caroline Skar som mottok prisen flankert av hovedstyreleiar Stig Vestnes og Ruth Worren (enke etter Peder Worren). Talentfulle Caroline er ein verdig vinner av prisen, og har vist seg som ein allsidig og talentfull idrettsutøvar som har hevda seg sterkt både på fotball- og handballbana.
I fotballen har ho vore ein nøkkelspelar på Bergsøy sine jentelag og blitt uttatt til fleire kretssamlingar og turneringar. Også i handballsamanheng har ho representert Bergsøy på krets- og fylkeslag.
Pederprisen 2005
Arnstein Selvåg hadde ilag med Ruth Worren æra av å overrekke prisen dette året til Camilla Moltu som hadde vore aktiv deltakar i Bergsøy handball i mange år. Ho har hatt høgt treningsoppmøte, og har både under trening og kamp vore ein typisk lagspelar som har vore svært viktig for laget.
Ho har teke initiativ og har hatt ei fin evne til å få medspelarar til å yte sitt beste. Ho er alltid blid og i godt humør, og i det heile eit godt forbilde for anna ungdom både på og utanfor bana.
I tillegg har ho vore med på treningssamlingar på høgare nivå i krinssamanheng. Sist sesong blei dessverre spolert på grunn av ei kneskade, men likevel stilte ho opp som medtrenar for handball jenter 11-lag.
Pederprisen 2006
Hovedstyreformann Arnstein Selvåg delte dette året ut Pederprisen til den verdige vinnaren Kjetil Paulsen. I tillegg til å vere eit kjempetalent på fotballbana som midtbanegeneral på Bergsøy sine A- og juniorlag i ein alder av 18 år, er han i tillegg ein framifrå ambassadør for Bergsøy IL fotball.
Han har sitt hjarte i Bergsøy og har i alle år vist haldningar og treningsinnsats utanom det vanlege. Både på trening og kamp er han ein typisk lagspelar som også er flink til å oppmuntre sine lagkameratar.
Han er alltid blid og i godt humør, og eit positivt forbilde for både med- og motspelarar. Han har vore med på treningssamlingar og kampar på høgt nivå, og debuterte på A-laget som 16-åring. Ein overraska prisvinnar seier at pengesummen i si heilheit vil gå til å finansiere lappen.
Pederprisen 2007
18-åringen Vegard Holmesland Slåttelid blei årets vinnar av Pederprisen. Han har spelt handball sidan han var fem år, og har gjort ein stor innsats som trenar for yngre gutar.
Sjølv har han spelt handball i alle klubbens gutelag frå 10-årsklassen og oppover, og var ein av dei som Bergsøy satsa på då herrelaget starta på nytt etter å ikkje ha hatt lag i fem år.
Handballen hindrar ikkje Vegard i å dyrke andre interesser, og han er også med i ungdomsrådet og var Herøy sin representant under Ungdommens fylkesting i Geiranger.