Bergsøy IdrettslagPeder Worren

Kampar

57

Mål

3

Gule kort

PW

Skills-barometer

Legendestatus:

Skiløpar:

Fjellmann:

Instruktør:

Fakta

Info	Fakta
Debut	03.08.1952: Brattvåg - Bergsøy 2-1
Alder ved debut	30 år, 11 månadar, 21 dager
Antall kampar	Registrert 57
Antall mål	3
Første mål
Kort-statistikk
Sist spelte kamp	02.10.1955: Bergsøy - Heid 6-0
Tid fra første til siste kamp	3 år
Annen Fakta

Profil: Peder Worren

Den første æresmedlem i Bergsøy. Den første handballinstruktøren. Den første fotballkapteinen. Han var tilstede fra første dag, da Bergsøy blei skipa 4.oktober 1944, og han vann seniorklassa i skihopp under klubbens første arrangement. Han var formann, sekretær, kasserar og revisor i klubben. Vidare var han instruktør for symjing og livredning. Mest av alt kanskje mest kjend som ein som tok initiativ, stilte opp på dugnad, og ein som ivra for å halde folk i bevegelse - gjerne på fjellet. Han var sterkt medvirkande for både bana i Huldalen og Bergsøy Stadion, samt friidretts og ungdomsgruppe i laget.

Statistikken A-lag fotball

År	Kampar	Mål
1952/53	2+	3 seriemål
1953/54	13	0
1954/55	8	0
1955/56	8	0
Totalt	57 kampar

Statistikken Styreverv

Stilling	Totalt år	Årstall
Formann	4	1946/47, 1948/49, 1949/50, 1952/53
Nestformann	1	1951/52
Sekretær	1	1944/45
Kasserar	1	1945/46
Formann i Dugnadsnemnd for klubbhus	1	1958/59

Kampstatistikken til Peder Worren er litt usikker. Om han spelte alle kampane i debutsesongen 1952/53 så blir dette 12 kampar, og totalt 41 kampar i perioden tilogmed sesongen 1955/56. Etter dette finner vi ikkje noko bevis for at han har spelt fleire kampar. Likevel ser vi at han i 1969 fekk statuett som bevis for 50 kampar for klubben, og han står med 57 kampar på vår liste - nesten av litt uvisst grunn.

Men om det er litt usikkerhet rundt nøyaktig antall kampar Peder Worren faktisk spelte for Bergsøy sitt A-lag, så er det temmelig godt dokumentert det arbeidet han utførte i klubben heilt i frå starten og i mange år vidare.

Bakgrunnsinformasjon

Peder Andreas Paulson Worren blei født 13.august 1921, kom fra Pettervågen 1 (Fosnavåg Øvre), og gifta seg med Ruth Pedersdatter Hjorthaug (29.07.1926) fra Reite. Dei busatte seg på bruksnummer 105 Fjelly (lisjebøen), hus bygd i 1957. Peder og Ruth fekk barna Per (1949), Tove (1952 og Hogne (1964).

Faren Paul Vorren var fødd og oppvaksen på Leikanger med stor søskenflokk, og gjorde tidlig nytte for seg i arbeidslivet på sjø og land. Tilslutt starta han å arbeide hos Gerhard Voldnes i Fosnavåg, og bygde hus like ved bedrifta. Her arbeidde han så lenge helsa holdt. Utanom Voldnes sjølv så var Paul Vorren og Harald Pettersen mellom dei som først fekk lys frå bedrifta. Det var strekt ei ledning til forsamlingshuset Høgtun. Hos Voldnes var det Paul Vorren som var ansvarlig for maskiner og elektrisk anlegg, var formann og seinare produksjonsledar.

I 1952 fekk Paul 30 års medalje (Norges Vel's medalje) for lang og tru tjeneste i bedrifta. Sonen Peder Worren fortsatte i farens fotspor fra ung alder, han starta allereie som 12 åring i bedrifta som visargut. Så blei han etterkvart lønningssjef i firmaet, og hadde arbeidd i Voldneskonsernet i over 50 år da han fylte 70 år. Han mottok Norges Vel medalje i 1967 og kongens Fortjenestemedalje i sølv i 1985.

1944: Klubben blei danna

Peder Worren var ein av dei som var med å starte Bergsøy Idrettslag, eller Bergsøy Turn og Atletklubb som namnet var den gang skipninga tok til 4.oktober i 1944. Han var med i det første styret, og han var med da "Fredsmarsjen" etter krigen var den første trimmen til idrettslaget. Ikkje berre var han med, men han var blant dei raskaste. I oktober 1945 står det at av 305 vaksne som greidde prøva, ei mil på under 70 minutt, så hadde Peder Worren tida på 67 minutt.

Nokre av dei andre raskaste deltakarar: Hans Eggesbø og John Eggesbø (65 minutt), Leiv Pettersen (65,5), Helge Pettersen (67), Herlaug Solem (67), Tønnes Simonsen (67,3), Alf Woldsund (67,3), Kåre P Vike (68), Lars Håvik (68).

Lagbilde

Bergsøy Styre 1944

Notat

Notat 1946

Notat

Notat 1949

1945: Langrenn og Skihopp

Peder Worren var aktiv og sprek, og da vinteren kom i 1945 og Bergsøy arrangerte skirenn og langrenn var han på plass. Peder Worren vann seniorklassa i skihoppet foran Leif K Pettersen og Nils Grønhaug. Når det gjaldt langrenn var det formann Andreas Sævik som var best med tida 25,28 mens Nils Grønhaug og Peder Worren delte andreplassen med tida 30,45 i seniorklassa. To stykke i juniorklassa hadde faktisk bedre tider, Astor Pettersen og Finn Voldnes gikk i mål på tidene 30,01 og 30,14.

1946-1950: Handball

Bergsøy Handball blei stifra 30.oktober i 1946, og søker i april 1947 om å få trene på Myklebust Folkeskule sin øvelsesplass. Bergsøy sitt damelag i handball var tidlig ute, og på eit styremøte 23.10.1947 ble det besluttet at Peder Worren skulle fortsette som trener og instruktør. Han var den første dametreneren, og var ein god trener som kunne reglane samt å lære fra seg.

Det hadde ikkje vore vanlig å sjå jenter drive på med slik sport. Det imponerte nok fleire at dei tilogmed sto slik på med treninga tross dårlig grusunderlag og med tynne sko. Interessa for handball var stadig veksande, og mange møtte opp for å sjå både kamp og trening.

I oktober 1950 blei Harald Solbakk instruktør for damehandballen, og samme år sa Peder Worren fra seg attvalg som formann (tiltross for fleire oppmodingar om å fortsette) etter fleire år i stillinga. Kåre Botn blei ny formann i klubben.

1944-1952: Fotball, dugnad og Huldalen

I etterkrigstida blei det arrangert fotballkamp mellom Bergsøy og Runde/Goksøyr, og Bergsøy vann kampen 12-2. Den store profilen på Bergsøy var kapteinen Peder Worren som scora over halvparten av måla. Dei to måla til Runde blei scora av Ola Goksøyr. På hausten 1948 var Peder Worren formann og ein viktig tilvekst i organisasjonen var at det blei oppretta ei eiga banenemnd med Arthur "Bassar" Frantsen som leiar. Det skulle bli ein stor jobb å få på plass Huldalsbana klar til seriefotball.

I 1950 gjekk Peder Worren over i stillinga som oppmann for fotballen, med Petter K Pettersen som varamann. Oppmann var han i mange år,først i 1950-1955 også ilag med Frantz G Frantzen, men også seinare blant anna i 1960 da han også var med i UK ilag med Petter K Pettersen og Ludvik Hansen. UK vart oppretta allereie i 1951, og var ei poppulær nemnd som mange hadde ønske om å få være med på. Fleire gangar stillte Peder også opp som dommer, gjerne også når andre dommarar ikkje møtte opp, og fekk god skryt for innsatsen.

Peder var også tidlig på 1950-tallet med å ta initiativ for ei friidrettsgruppe og ungdomsgruppe i idrettslaget.

Bilde

Dårlige dommere

Bilde

Peder var i mange år aktiv i mannskoret Havdyn

Notat

Peder Worren med den nye Bergsøylogoen

(Bildet: Lagbilde frå før 1952. Bak fra venstre Peder Worren, Jens Gjerde, Gunnar Roksvåg, Kjell Hånes, Andreas Lied. Framme frå venstre: Per Pettersen, Oddvar Pettersen, Mindor Hestholm, Konrad Gjerde.)

1952: Bergsøy i seriespel

Bergsøy spelte sin første seriekamp i fotball 3.august i 1952, og det var mange spente Bergsøyspelarar den gang. I mål sto Nils P Nilsen, og på backane var Peder Worren og Nils V Pettersen. I halfrekka var Ola Goksøyr og Jon Ertesvåg, og i løparrekka var Sigmund Paulsen, Jan Vinge, Knut Nilsen, Leif Tronstad og Sverre Botn.

Bilde frå den første seriekampen til Bergsøy nokongong, borte mot Brattvåg i 1952 der Peder Worren spelte back

Så var det klart for den aller første heimekampen heime mot Heid den 10.august i 1952. Omtrent 500 mennesker var samla i Huldalen på den naturfine tribuna for å oppleve den første kampen på ei bane så stor som omtrent 6000 rutemeter.

Opningsseremonien tok til ved at formann i tiltaksnemnda Peder Worren overleverte bana og ein bukett til Kåre Botn som var nestformann i Bergsøy Idrettslag. Lærar Albert Trondstad heldt åpningstalen, og gav so dei laget sine vegne blomar til han som først og fremst har æra for at ein var komen så langt med bana; Peder Worren.

Peder Worren blei takka for den store innsatsen som hadde blitt gjort. Det vart også gitt blomar til formannen Kåre Botn som takk for innsatsen. Sverre Botn tok imot blomar på vegne av dei som i si interesse har ofra mykje av si tid på bana for å få ho i stand. Bergsøy spelte denne tid med sine grønne drakter med kvit krage.

Bilder av Peder Worren i lagbilder fram til ca 1954

Lagbilde

17.08.1952: Laget som slo Vartdal i lagets tredje kamp, Bergsøy sin første bortesiger i seriesystemet. Petter J Pettersen, Jan Vinge, Erik Løfoll, Sigmund Paulsen, Knut Nilsen, Jon Ertesvåg, Peder Worren, Kristian Østensen, Ola Goksøyr, Harald Djupvik, Sverre Botn og Leiv Tronstad. Framme fra venstre: Nils V Pettersen, Nils P Nilsen og Leif K Pettersen

Bilde

Bergsøykaptein Peder Worren til høgre med panneband under Bergsøy sin debutkamp på heimebane - tek imot blomster frå Heidspelar Monsholm.

Dugnad klubbhus i Huldalen

I 1957 blei det avtalt å kjøpe tomt til klubbhuset frå grunneigar Petter K Pettersen (PIT), og plassering av huset blei då planlagt. Ein dugnadsgjeng med Paul Zahl og Peder Worren var i spissen ilag med fleire bygningsfolk, deriblant Eystein Botn, fekk i oppdrag å bygge huset. Peder Worren var formann i dugnadsnemnda i 1958/59, og i 1959 var klubbhuset kome så langt at en kunne starte med innreiinga.

I bakgrunnen klubbhuset slik det såg ut i 1970

1960-tallet

Peder Worren starta 1960-tallet med å være oppmann og medlem i UK (Utvelgelsekomiteen som tok ut laget). Til sommaren 1961 var ei epoke i klubben over da Bergsøy skulle skifte drakter; frå dei grønne draktene laget no hadde brukt sidan 1952, og til kvitt og raudt slik som norges beste lag Fredrikstad hadde. I august 1961 blei det gjennomført 5-kroners kronerulling i avisa til inntekt for dei nye draktene.

1961

Peder Worren var oppmann da Bergsøy gjekk frå grønne til kvite drakter. 1961

I 1968 ser vi Peder var med da bedriftsidrettslaget GeVo arrangerte familietrim på ski og 70-80 deltakarar møtte opp. Beste resultat var det søskenparet Frode og Sigrun Hjorthaug som fekk. Peder Worren sa til Vestlandsnytt at det desverre var svært få som hadde møtt opp og hjelpt til.

Heder og Ære i 1969

Bergsøy feira 25 års jubileum i 1969, og det var eit godt tidspunkt for klubben å sette pris på nokre av sine medlemmar. Og det var fleire som hadde rosande ord å seie om Peder Worren sin innsats. Både Frantz Frantzen som var toastmaster under festen, samt Kåre Botn hadde gode ting å seie om hardtarbeidande Worren.

Lagbilde

Ved jubileet i 1969 får Peder Worren utdelt statuett for 50 spelte A-kampar, ilag med Petter Homlong, Paul Brekke, Knut Igesund, Ronald Moen og Asbjørn Myklebust. For 75 kampar fekk Oskar Wåge, Kjartan Fagerlund, Jon Ertesvåg og Petter Sperre statuettar

Bilde

Peder Worren får pokal fra formann Knut Reite når Bergsøy feirar 25 års jubileum.

Bilde

Peder Worren

1966-1972: Grasbana

Peder Worren var som kjent sentral i dugnadsarbeidet med Huldalen, og han var også ein viktig mann i arbeidet med å få istand grasbana. Det har blitt skrevet at Bergsøy Stadion på mange måtar blei hans andre heim. Frå utsiktsposten i kjøkkenvindauget hadde han full kontroll over kampar og trening. Då tok det ikkje lang tid før han var på plass, og ein la fort merke til at han var komen. Frå sin faste plass kommenterte han høglytt det som skjedde på bana. Han var engasjert. Oppstarten for banenemnda skjedde hausten i 1966 med konstituerande møte der dei første deltakarane var Peder Worren, Egil Leikanger, Kristian Nørvåg, Knut Nærø, Mindor Reite, Frantz G Frantzen og Asgeir Ramstad. Dei to sistnemnte gjekk seinare ut og inn kom Nils P Nilsen og Harald Barstad. Fram mot 1967 vart det arbeidd med grøft frå Myklebustvatn med innvikla arbeid. Gravemaskina som grov grøfta og la rør måtte ta seg fram ved hjelp av telefonstolpar heilt frå vatnet og nesten fram til vegen. I 1968 var det mykje arbeid med tverrgrøftene.

Peder Worren sa at mange var skeptiske til å legge bana i denne myra, men Norsk Myrselskap var på synfaring og hadde ein positiv rapport. Det blei anbefala at bana skulle ligge i 3 år for setning og etterjustering før toppdekket kunne leggast. Først i 1970 og 1971 kom ein igang med dugnad for fullt.

I juni i 1971 gikk han ut i avisa med et naudrop: "Hjelp oss å bli ferdig med sentralidrettsbana!". Worren var formann i byggenemnda og etterlyste meir dugnadsånd for å få bana ferdig.

Bana blei først utsatt eit år på grunn av sig i jordmassene, og når sommaren 1971 nærma seg var det fortsatt ikkje kome frø i jorda - og det var fortsatt mange rør å legge. 6. og 7.september i 1961 var det at Arne Rødseth sådde bana, og først i august i 1972 kunne laget spele sin første kamp der. Samme året var Peder Worren revisor i fotballgruppa ilag med Elias Hansen.

Under stadionåpninga sa Peder Worren at han hadde sett fram til denne dagen i lang tid, men at det fortsatt sto igjen ein del arbeid - i hovedsak fullføring av tribuneanlegg.

Idet ordføraren Knut Nærø talte så sa han at det var mange namn som skulle våre nemnde på ein slik åpningsdag, men han avgrensa seg til å seie nokre ord om Peder Worren som han omtalte som "einaren for idrettslivet i bygda".

Bilde

Formannen i banenemnda Peder Worren og ordførar Knut Nærø markerer med handtrykk at sentralidrettsanlegget til Bergsøy no er i kommunen sine hender

Avisutklipp

Fra album

Avisutklipp

Fra album

Symjing

Peder Worren var symjelærar i mange år, og lærte iallfall to generasjonar og fleire hundre barn å symje. Sjølv meinte han at han lærte å symje ved å være litt hyperaktig som barn. Det har vore sagt at Peder Worren har lært halve Herøy å symje.
Då Peder Worren bygde hus bygde han også basseng i hagen, og han dreiv undervisning både der og i Toftestøda før bassenget på Bergsøy Skule blei bygd. Det var forresten heller ikkje berre born han lærte å symje, men også mange fiskarar i kommuna.

Bilde

Symjekurs i 1936

Bilde

Peder Worren tok svømmeknappen i 1946/47

1994: Æresmedlem, Kulturprisvinnar og årets publikummar

Klubben hadde aldri utdelt utmerkinga før, men det var naturlig at Peder Worren var den første i klubben til å få utdelt Ærespris.

Samme år fekk også Peder prisen som årets publikummar under handballens dag. Worren var alltid på plass på tribuna idet Bergsøy spelte sine kampar.

I tillegg fekk Peder Worren i 1994 også Herøy sin kulturpris, ein pris som for første gang blei utdelt i 1985 - den gang til Oddbjørn Blindheim. Han var ein verdig vinnar. Han hadde vore 20 år i Ungdoms og idrettsutvalg, 16 år i Friluftnemnda, og aktiv songar i over 30 år i tillegg til alt i Bergsøy. Uthaldande i jamnt og trutt arbeid hadde vore hans varemerke, med initiativ og innsikt.

Bilde

Peder Worren blei Bergsøy sin første Æresmedlem i 1944. Han sit ilag med Kåre Velsvik som også fekk heder for sin innsats. Bak står Leiar i Bergsøy Paul Lillebø. Bildet blei tatt av Per Moltu.

Bilde

I 1994 fekk Peder også ei anna utmerkelse, nemlig årets publikumar under handballens dag.

Bilde

I 1994 fekk Peder også Herøy Kulturpris. Her med Hildur Lid Hole i hovudutvalget for kultur.

Fjelltur og Mosjon

For Peder Worren var mosjon og fjellturar viktig, og han ivra etter at flest mulig skulle få være med å trimme. Samtidig var det ikkje om å gjere å ta alt på en gang, men begynn med å gå i fjellet så får en både naturopplevelsar, frisk luft og ein treff også andre folk. Med turstaven, turklede og venner var han i sitt ess. Peder sto også bak bøkene på Hornseten og Igesundfjellet, og desse har vore med på å få folk ut av godstolen og ut i naturen. Nokon favoritt fjelltur var han usikker på om han hadde, men svarte at Molladalen var svært facinerande.

I april 1981 hadde over 2000 tatt trimturen til Hornseten, og initiativtaker Peder Worren var gledelig overraska over responsen - men ber trimmarar om å benytte dei oppmerka stiane og ikkje klatre over gardane. I 1994 var Peder Worren i valnemnda samt materialforvalter i Herøy Turlag. I 1997 viste den spreke 75 åringen Peder Worren at sjølv bitande kulde ikkje kunne stoppe han, vikingen tok av seg på overkroppen og vaska seg i nysnøen under turen til Rjåhornet på Nerlandsøy, da Herøy Turlag hadde sesongopning.

Så starta arbeidet med å få på plass ein varde på Hornseten, og målet var å få på plass denne varden før milenniumskiftet, år 2000. Peder Worren blei utnemnd som prosjektleder for dette, og det var heilt naturlig at det var Peder som fekk oppgava. Ingen hadde trakka så mykje i terrenget som nettopp han, og ingen brenn så for saka som nettopp han.

I mai 1999 var det kome så langt at Peder håpte det kunne bli prøvetending på varden allereie til jonsok. I november dette året fekk Peder boka "Sunnmøre og Sunnmøringen" av Herøy Turlag som eit symbol på at veteranen blei heidra for sin aktive innsats i turlaget. Også Oskar Moltumyr fekk denne, mens ekteparet Janny og Mads Kvalsvik også blei heidra.

Bilde

I 1992 var Peder Worren på plass for å konstantere at fotballformann Odd Rudolfsen i tidspunktet 1.april til 1.mai hadde gått frå 101 til 87 kilo. Ronald Moen og Ivar Sylte passa også på at resultatet stemde.

Bilde

I april 1997 opna Peder Worren (75 år) tursesongen med eit navlebad. Dette skjedde under Herøy Turlag si sesongopning til Rjåhornet på Nerlandsøy

Bilde

I 1988 var Peder med på dugnad for å sette opp nye skilt på Runde. Her ilag med Ingrid, Haldor og Steffen Frøystad.

Bilde

Det var sjølvsagt Peder Worren som tende varden kl 17:00 på nyttårsaften 1999/2000.

Avsluttning

Initiativtaker frå starten. Fotballspelar. Den første kapteinen. Handballinstruktør. Formann. Sekretær. Kasserer. Revisor. Symjelærar. Engasjert innenfor trim, friidrett og mosjon. Dugnadssjef og pådrivar for både Huldalsgrusen og Bergsøy si grasbane, klubbhus og fleire verv. Lista er lang, og blei på en måte avslutta med å brenne flamma på den nybygde varden på Hornseten som han var initiativtaker for. Nokre månadar seinare, 15.oktober i 2000, døde han. Varden på Hornseten blei det siste store verdige minnesmerket, der han meir enn nokon andre sto på for å gjere Hornseten til eit turmål for lokalbefolkninga.

Ekstra bilde

I 1988, heile 44 år etter at Peder Worren i 1944 var med på å starte Bergsøy Idrettslag, så var han med i hovedstyret i klubben. Her et bilde av gruppeformenn i klubben. Frå venstre: Gerd Nerland (trim), Bodil Notøy (handball), Hallvard Rusten (friidrett), Susann Frantsen (fotball), Peder Worren (hovedstyret) og Oddbjørn Vinjevoll (Hovedstyreformann)